泰簡單

营业中

休息中

今次去既泰国餐厅喺铜锣湾总统戏院嘅上边，一开门入去，已经觉得好似去咗泰国嘅按摩店，店员全部都系讲泰文，非常正宗🧡坐低叫完嘢食之后，去咗外边睇吓，露天嘅环境都几好。我哋嗌咗青木瓜沙律，呢个好清爽，青木瓜丝夹住好多细细只嘅虾米，另外仲有五六只爽滑弹牙嘅大虾，呢个绝对系好开胃嘅前菜。之后叫咗香叶肉碎炒饭，佢配咗一个流心蛋，肉碎都几多，炒饭好香好干身，配埋流心蛋，唔觉意食多咗。😍跟住嗌咗个串烧拼盘，猪牛羊各两吋，仲配咗好香浓嘅沙嗲汁，不过就算唔掂个汁，个肉本身都腌得好好味，尤其是猪肉，劲Juicy。最后仲嗌咗一个椰子鸡汤，佢上嚟嘅时候我以为系汁，因为呢个汤嘅料系劲丰富，有鸡肉菇蕃茄一啲香叶等等，成个汤层次好丰富，先系椰子嘅香，跟住另外带少少酸。好开胃，同埋料真系好足。