鮮‧港式串燒吧 (已搬遷) 新店位置

食得靓靓西餐多，有时都想地踎一下食串烧，左一串右一串将肉从竹签齿出，完全无需顾仪态~ 不过我又唔钟意一般串烧店那股油烟味，而且坐得逼夹难以一边食一边吹水。 鲜‧港式串烧吧并非地铺，而且在骆驼漆大厦入面，空间都算阔落。这晚6点钟便开始食，时间尚早所以未见人流。 台面放了三款调味，最后我一滴都无用到，因为串烧本身已好够味。 串烧款式唔算多，但又有几款特色小食算是有新意。 芥末冻花螺 $48 见到menu上有个”厨师推介”所以就点了，我觉得花螺系细只先好食，太大只就会韧，呢到既size啱啱好，个汁就系平日食寿司的豉油加wasabi味，够晒冻好开胃。 烟肉芝士大蘑菇 $38 呢个正野，面头D芝士焗到个面够干身。 切开D芝士会泻出黎，入口有拉丝效果但又唔觉腻。 栗米 $15 我同仔仔都非常钟意食粟米，所以要了双份。 鸡肾及牛柳串都好掂，特别系牛柳有肉味又不会鞋。 其他串烧水准正常，鸡翼皮脆肉嫩，唯独牛仔骨太韧。 烧三文鱼头 $48 烧三文鱼头正呀，我地两个争食咁济。 三文鱼一定多油脂，烧几烧啲油香味发挥晒出黎，鱼肉又嫩滑，差啲少想叫多个~ 呢到除咗一般汽水之外亦有自家制家茶，$48绝对唔平