斑蘭

营业中

休息中

班兰(东南亚餐厅)今日喺西九开会，开迟咗好多，搅到过咗食晏时间，卒之一个人去圆方揾嘢食。行过班兰呢间东南亚餐厅见有几多人食紧嘢，就入去揾啲嘢食吓。侍应送咗份餐牌俾我，原来2点后有下午茶餐，价钱又唔系好贵，就叫咗个套餐试吓。可以拣2个或者3个course，我见有啲饿，就拣咗3个course食。头盘有泰式酸辣凤瓜。凤爪腌得酸酸辣辣，食落又唔系好腍，有咬口同好开胃，做头盘开胃小食一流。跟住叫咗碗大虾喇沙掺掺。通常啲喇沙系用油面，因为系掺掺，所以加咗粉丝落去，有2种唔同嘅口感。其实掺掺喺马拉话嚟讲即系两沟咁嘅意思。𩠌有新鲜大虾，蚬同豆腐卜，加埋香浓嘅椰汁汤底，真系冇得输，净系饮佢嘅汤都好好味。至于饮品方面，我点咗杯桔仔话梅水。呢杯饮品几特别，因为喺马来西亚饮嘢，通常都系桔仔水，好小有加话梅，呢度加埋话梅就改良咗少少，因为话梅有糖腌制过，所以会冇咁酸，成件事唔同晒，大家可以试吓。呢度环境系开放式，虽然冇围墙，但你唔会觉得嘈，同朋友嚟饮下午茶、倾吓偈都系一个唔错嘅选择。