留民料理

营业中

休息中

呢间餐厅虽然地方唔大，灯光有啲暗，但成个 Vibe 啱晒同朋友嚟吹水食吓嘢 🛋️ 墙上挂满老板拎过嘅奖状同报导，睇得出佢成日周围学嘢，之后将啲新嘢融入佢嘅 Fusion 菜 🍱🍝 金砖豆腐 $68 呢个豆腐炸到金黄酥脆，外面配埋椒盐、七味粉、黑白芝麻同炸蒜 🧄，咬落去唔觉得油腻，反而香脆得嚟唔失口感。秘制蒜蓉包 $38 呢个蒜蓉包用咗自家秘制酱料，香喷喷，每一啖都充满浓郁蒜味 🥖 招牌生炸 BB 鸽 $78 呢只乳鸽热辣辣上枱，外皮炸得够脆，入面嘅肉几 Juicy，咸香味 Balance 得啱啱好。生晒鱿鱼干 $32 呢款鱿鱼干带些少烟熏味 🦑 食落好啱配返杯啤酒 🍻 留民串烧拼盘 (4串) $98 每次串烧拼盘都会有唔同，今次我哋食咗鸡肉、牛肉、五花腩同 鸡翼 🐓🐄🐖 调味偏淡，保留食材嘅原味，重口味嘅朋友可以自己加侧边嘅七味粉同玫瑰盐，照自己喜好调味。香橙冰梳打 $46、深水炸弹 $78 呢杯香橙冰梳打好清新 🍊 又唔太甜！深水炸弹就虽然叫炸弹，但其实酒味好轻，好易入口，适合想轻松饮返杯嘅朋友。