Backyard (已結業)

行完ikea后意外发现到哩间西餐厅，环境几有气氛，野食都好唔错，朋友见我ig story 左都问我哩间系咩。餐厅喺商场地面果层，用左落地大玻璃，灯光教暗左，有feel。肉酱意粉 $108发觉好耐冇食哩款经典意粉，黎到见到就好想食。见到好多肉酱已经忍唔住即试，好好味呀，好耐冇食过既味道，意粉煮到弹牙唔易断，火速清光碟意粉，系连所有肉酱都清左。红菜头田园三文治配薯条 $98见到粉红色咁特别又想食薯条就叫左，系靓既，好中意个包软熟，夹左火战菜、芝士、火腿、蕃茄，用料清新，但好饱肚的。薯条炸到金黄色，好味！香煎雪鱼配黑松露野菌汁 $228中意哩碟既汁，用左黑松露，鱼煎得香脆，配焗薯同几款蔬菜，食鱼系健康嫁，特别女士们要多食。食饱后继续行隔离既商场，下次黎开哩头都会再黎帮衬。