Cafe Addict (已結業)

放假早餐揾间环境舒适既cafe 食个早餐休息下充充电。上网揾到间系佐敦地铁站附近既cafe，地点咁好就黎试下。餐厅环境都好舒服，cafe 就系需要呢啲。menu 都简单易明，一早冇咩特别心水，于是拣个all day breakfast 就岩哂。叫左个玉子烧早餐，入面有日本蛋制玉子烧 、南瓜薯饼、沙律菜、车厘茄、杂菌、香草猪肉肠同埋酸种面包。沙律个度拣左日本柚子醋，酸酸味味几开胃。南瓜薯饼嘅南瓜蓉好甜，对比起炸薯饼好似健康啲。香草猪肉肠都几结实。玉子烧都几特别，其他既可能系一个炒蛋但系佢地既玉子烧都几有特色，而且对比起蛋嘅份量好多，都几啱食。饮品早上咖啡是基本，叫左杯Flat White，拉花靓，咖啡味够浓， 奶既份量都好够，好饮。整体黎讲，地点好，环境正，员工又nice，食物好食，简单食个早餐relax 下都好好。