灃味館

营业中

休息中

首先嚟到，坐近鱼缸位，话系海景位，当然冇海景，职员拎海鲜时，鱼缸水会泻出嚟，系泻，唔系溅！传嚟一阵渠味，想转枱但话满座，环境等如深水埗大牌档，见到厨房地下污糟到同街市冇分别，接住系一连串胡椒龚鼻龚眼泪嘅镬气，敏感嘅人士请考虑，令人狂打乞嗤，个川味花甲，就系蒸完后每只加一pet老干妈辣酱，真够川，盛惠$358（未加一），镇店之宝仲厉害，咕噜肉啲汁唔挂肉唔均匀，笑出嚟，人参乌龙茶似系晏昼下午茶饮完返冲，茶介$20一位，鸡油花雕蒸蛏子王陈村粉，蛏子王无鲜味，个菜名无包括嘅蛋白就最满，盛惠$768，无花雕味，怀旧江南百花脆皮鸡，其实系一块街市现成虾饼，$300，烧汁牛肋骨，将平时一旧嘅牛肋骨切到10片，然后个汁劲咸， 又$288！龙趸蒸糯米饭淡而无味，盛惠$788，平均每人食咗$700，享受差过大牌档。完。