WIRED CAFE (已結業)

今日在铜锣湾做完私事，原本谂住去希慎广场的Urban Bakery 帮衬买二送一的牛角酥，撞正TVB正拍小仪采访梗面包师，八咗一阵之后，发现呢轮热辣辣牛角酥售罄，要排成25分钟再等下一轮 @@……肚又饿，索性在附近揾嘢食，去咗14楼呢间Wired Cafe，见个环境唔错，于是决定系度hea下食个late lunch。Set Lunch 大概有6款套餐可以拣，点咗个蛋包饭同咖啡，饭上来，卖上唔错吖！饭粒应该系用珍珠米或者入面米，粒粒圆碌碌，几有咬口，个蛋都算煮得啱啱好，伴个深咖色的烧汁，汁味没想像中的浓，起咗吊味作用，伴饭的还有少许蔬菜，整体算不俗。由于座位间隔很宽敞，午后人又唔多，如果想慢慢食慢慢hea，都算一个唔错的选择。