影片
更多
2022-09-15
754 浏览
平日同老公仔难得拍拖仔食个晚饭成日都唔知食咩好嘅我地周围望今次就一于试下位于荃湾D Park嘅三代目🤗餐厅环境服务❤初时行过见到呢间餐厅感觉好大望落行日式居酒屋风格外边睇到有啲师傅整紧串烧/拉面中间仲有一个外卖手摇茶饮嘅位置餐厅分开咗好几个区域我地被安排咗坐系左手边嘅一区主要有啲2至4人卡位点知原来入边仲有间房仔装修都几靓又有神秘感最好系有钟仔俾你㩒叫侍应唔怕坐太入会俾人忽略带位侍应都好贴心见到我孕妇就无提供日本茶俾我反而主动俾咗杯清水服务安排值得一赞👍🍜灸牛拉面 $92牛肉熟成度刚好，中间带少少粉嫩，食落灸烧嘅香味加上黑椒嘅配搭，的确系好加分，但只有4小片份量，配料亦唔算太多，只有半只溏心蛋，汤底初时饮都浓郁够味，只系温度稍凉就变得有啲普通，算系比较清嘅骨汤底，面身无得选择，但幼身弹牙，整体配搭都唔错 🛎(评分：7/10)🍜辛烧豚梅肉拉面 $98汤底比起第一款拉面较油，但辛辣味一般，始终日式辛辣都系满足唔到老公对辣味嘅追求，但老公表示汤饮落系舒服嘅，算惹味，但豚梅肉就偏肥，面质同上一碗差不多🛎(评分：6.5/10)🦑照烧鱿鱼筒 $98侍应落单时表示鱿鱼筒等待时间要耐啲，我地谂应该系即
平日同老公仔难得拍拖仔食个晚饭
成日都唔知食咩好嘅我地周围望
今次就一于试下位于荃湾D Park嘅三代目
🤗餐厅环境服务❤
初时行过见到呢间餐厅感觉好大
望落行日式居酒屋风格
外边睇到有啲师傅整紧串烧/拉面
中间仲有一个外卖手摇茶饮嘅位置
餐厅分开咗好几个区域
我地被安排咗坐系左手边嘅一区
主要有啲2至4人卡位
点知原来入边仲有间房仔
装修都几靓又有神秘感
最好系有钟仔俾你㩒叫侍应
唔怕坐太入会俾人忽略
带位侍应都好贴心
见到我孕妇就无提供日本茶俾我
反而主动俾咗杯清水
服务安排值得一赞👍
🍜灸牛拉面 $92
牛肉熟成度刚好，中间带少少粉嫩，食落灸烧嘅香味加上黑椒嘅配搭，的确系好加分，但只有4小片份量，配料亦唔算太多，只有半只溏心蛋，汤底初时饮都浓郁够味，只系温度稍凉就变得有啲普通，算系比较清嘅骨汤底，面身无得选择，但幼身弹牙，整体配搭都唔错
🛎(评分：7/10)
🍜辛烧豚梅肉拉面 $98
汤底比起第一款拉面较油，但辛辣味一般，始终日式辛辣都系满足唔到老公对辣味嘅追求，但老公表示汤饮落系舒服嘅，算惹味，但豚梅肉就偏肥，面质同上一碗差不多
🛎(评分：6.5/10)
🦑照烧鱿鱼筒 $98
侍应落单时表示鱿鱼筒等待时间要耐啲，我地谂应该系即烧，心里仲对佢有多一点期待，毕竟而家揾到好味鱿鱼筒已经唔容易，佢嚟到时我食嘅第一口就知唔对路，温度唔够热，感觉有啲似白烚再涂上一层照烧汁，无烧过嘅口感，欠缺灸烧嘅香气，唯一优点系鱿鱼筒入边仲好嫰口，唔会有种烧过龙嘅干干柴柴感觉
🛎(评分：4/10)
🦪芝士焗蚝 $48/只
最后上嘅一道就系呢款焗蚝，望落都几吸引，成只焗蚝都有手掌咁长，温度系有嘅，明显刚刚焗起，同上一道鱿鱼筒比起就真系无比较无伤害，不过可惜嘅位系芝士同沙律酱盖过晒蚝嘅味道，蚝食到最后先有少少鲜味，加上蚝实质都偏细，性价比唔合乎预期
🛎(评分：4/10)
🪧地址：荃湾愉景新城D Park 1楼 三代目
💰人均消费：$185
灸牛拉面
8 浏览
0 赞好
0 留言
辛烧豚梅肉拉面
8 浏览
0 赞好
0 留言
芝士焗蚝
6 浏览
0 赞好
0 留言
照烧鱿鱼筒
4 浏览
0 赞好
0 留言
张贴
