影片
更多
2023-05-04
1138 浏览
🥰 话说呢两三年, 喺香港探索唔少海鲜胜地, 包括西贡, 鲤鱼门, 三圣邨, 流浮山.🤗 西贡主攻游客, 出产几间米芝连餐厅, 早前 “师姐” 推介 “胜记”, 一试难忘. 鲤鱼门又系主攻游客, 我净系记得朋友开嘅 “鲤鱼门酒家”. 三圣邨就远少少, 近屯门黄金海岸, 谷友推介 “广东名厨”, 坐得舒服, 味道不俗.🥢 流浮山真系山长水远, 但相对抵食, 屡战大众化嘅 “明记”, 又试过高挡嘅 “小桃园”. 今日转战 “邦记”, 饭店格局, 较 “明记” 干净企理, 喺斜斜对面嘅 “许照记” 点咗六款海鲜.油盐水浸蝴蝶蚌豉椒炒蛏子上汤焗龙虾蒜蓉粉丝蒸北寄贝果皮蒸大连鲍鱼油盐焗奄仔蟹菜心🤗 餐厅光猛整洁, 服务到位, 换碟迅速, 按要求, 海鲜分两转送入厨房, 用餐节奏舒服, 十个赞! 论海鲜食材, “许照记” 同 “明记” 不相伯仲, 论烹功, “邦记” 味道较浓, 食完少少口渴, 可乐系最好嘅朋友. 今餐材料大约$1500, 加工费$500, 性价比合理.🐚 油盐水浸蝴蝶蚌. 油盐水略深色, 比 “明记” 版本浓味, 又冇 “明记” 咁鲜. 蝴蝶蚌啱啱熟, 有嚼口. 可惜三只开唔到口
🤗 西贡主攻游客, 出产几间米芝连餐厅, 早前 “师姐” 推介 “胜记”, 一试难忘. 鲤鱼门又系主攻游客, 我净系记得朋友开嘅 “鲤鱼门酒家”. 三圣邨就远少少, 近屯门黄金海岸, 谷友推介 “广东名厨”, 坐得舒服, 味道不俗.
🥢 流浮山真系山长水远, 但相对抵食, 屡战大众化嘅 “明记”, 又试过高挡嘅 “小桃园”. 今日转战 “邦记”, 饭店格局, 较 “明记” 干净企理, 喺斜斜对面嘅 “许照记” 点咗六款海鲜.
油盐水浸蝴蝶蚌
豉椒炒蛏子
上汤焗龙虾
蒜蓉粉丝蒸北寄贝
果皮蒸大连鲍鱼
油盐焗奄仔蟹
菜心
🤗 餐厅光猛整洁, 服务到位, 换碟迅速, 按要求, 海鲜分两转送入厨房, 用餐节奏舒服, 十个赞! 论海鲜食材, “许照记” 同 “明记” 不相伯仲, 论烹功, “邦记” 味道较浓, 食完少少口渴, 可乐系最好嘅朋友. 今餐材料大约$1500, 加工费$500, 性价比合理.
🐚 油盐水浸蝴蝶蚌. 油盐水略深色, 比 “明记” 版本浓味, 又冇 “明记” 咁鲜. 蝴蝶蚌啱啱熟, 有嚼口. 可惜三只开唔到口, 自己用刀开!
🥰 豉椒炒蛏子. 生菜塾底, 卖相搞笑. 讲番蛏子, 鲜甜, 爽口, 豉椒味道一流.
🦞 上汤焗龙虾, 伊面底. 今日拣咗西澳龙虾, $280 一斤, 较南澳龙虾 $380 一斤抵食, 厚肉, 爽口, 不俗! 老友 “肥强” 食家上身, 话今次嘅西澳龙虾真系冇上次南澳龙虾咁好食!📖 澳洲龙虾主要分南澳及西澳. 南澳龙虾 (又名澳洲石龙), 肉质饱满鲜甜细致, 非常适合刺身. 而西澳龙虾 (又名澳洲红龙), 相对冇咁厚肉, 又较抵食.
🐚 蒜蓉粉丝蒸北寄贝. 蒜蓉味道OK, 略嫌唔够粉丝, 北寄贝比想像中韧.
🥰 果皮蒸大连鲍鱼. 入味, 够腍, 我钟意呢个果皮味.
🦀 油盐焗奄仔蟹. 香喷喷, 可惜蟹身略细, 卖相可怜, 好彩算系爆膏.
🥬 菜心. 免费敬赠, 冇渣, 合格.
🤗 总结: “邦记” 环境服务优胜, 又分转入单, 用餐节奏舒服, 加分! 老友 “肥强” 觉得 “邦记” 调味太重, 倾情鲜味取胜嘅 “明记”.
张贴
