影片
更多
2022-11-25
5077 浏览
今日系我闺蜜生日嘅大日子，真系好想好想同佢一齐享受美食, 渡过一个愉快嘅晚上🥰 最近去过中环加州大厦，发现有好多高质嘅餐厅。 今晚我哋就试咗一间位于6/F，好出名嘅FUMI🫶🏻 餐厅主打传统同创新嘅日本料理，装修好和风，喺呢一种氛围享受创意美食，身心灵都体验到一种日式恬静优雅🥰🌟Yamazaki High-ball首先当然点两杯酒精饮品啦，闺蜜就点咗 Yamazaki High-ball， 山崎威士忌配咗梳打，比剩饮威士忌容易入口好多，喺日本好多人饮，居酒屋必点👍🌟Suntory Premium Malt's Draft食日本嘢，当然饮日本啤酒啦，三德利啤酒喺日本都系名牌，配衬有公司logo嘅酒杯，爽😎🍻🌟FUMI特制三色卷我最钟意就是餐厅嘅招牌推介，再一次证明系冇错㗎。 三色卷上面系海胆，带子同飞鱼子，卷物里面有芝士同蟹肉， 用料新鲜，味道相当唔错👍🌟烧味醂河豚干做得好出色嘅小食，作为佐酒物当之无愧，烧得好香有少少蜜糖嘅甜味，河豚干特有嘅香味真系令人无法抗拒😌🌟北海道松叶蟹甲罗烧配法包北海道松叶蟹肉份量十足，配埋蟹膏酱同法包一齐食，味道好Rich，感觉好奢侈，每一口都系享受😎🌟高知县
今日系我闺蜜生日嘅大日子，真系好想好想同佢一齐享受美食, 渡过一个愉快嘅晚上🥰 最近去过中环加州大厦，发现有好多高质嘅餐厅。 今晚我哋就试咗一间位于6/F，好出名嘅FUMI🫶🏻 餐厅主打传统同创新嘅日本料理，装修好和风，喺呢一种氛围享受创意美食，身心灵都体验到一种日式恬静优雅🥰
🌟Yamazaki High-ball
首先当然点两杯酒精饮品啦，闺蜜就点咗 Yamazaki High-ball， 山崎威士忌配咗梳打，比剩饮威士忌容易入口好多，喺日本好多人饮，居酒屋必点👍
🌟Suntory Premium Malt's Draft
食日本嘢，当然饮日本啤酒啦，三德利啤酒喺日本都系名牌，配衬有公司logo嘅酒杯，爽😎🍻
🌟FUMI特制三色卷
我最钟意就是餐厅嘅招牌推介，再一次证明系冇错㗎。 三色卷上面系海胆，带子同飞鱼子，卷物里面有芝士同蟹肉， 用料新鲜，味道相当唔错👍
🌟烧味醂河豚干
做得好出色嘅小食，作为佐酒物当之无愧，烧得好香有少少蜜糖嘅甜味，河豚干特有嘅香味真系令人无法抗拒😌
🌟北海道松叶蟹甲罗烧配法包
北海道松叶蟹肉份量十足，配埋蟹膏酱同法包一齐食，味道好Rich，感觉好奢侈，每一口都系享受😎
🌟高知县四万十川鳗鱼蒲烧
之前去过日本四国旅行，到过"四万十屋"食鳗鱼，一试爱上😍 今晚竟然喺餐厅见到，当然要点嚟试下啦。 而家系日本鳗鱼当造嘅季节，肉质肥美，好味😌 当然餐厅厨师烧得好绝对系重点， 虽然价钱贵少少，但系你出面唔系咁易食到㖞，物有所值👍
🌟烧银鳕鱼西京烧面鼓渍
钟意食海鲜嘅我地，点会错过银鳕鱼西京烧😎 银鳕鱼鱼油超多，所以烧出嚟特别香👍 食材好好，鱼肉一梳梳，鱼皮又烧得脆，呢个价钱竟然有两大块， 我同闺蜜都唧唧称奇🤣 如果唔系太多嘢食，真系想叫多份🤣
🌟杂锦海虾天妇罗拼盘
天妇罗炸得好出色，个皮好薄👍 呢一种就系天妇罗应该有嘅口感。除咗虾之外，我觉得值得一赞系佢嘅沙追鱼， 肉好滑，食得出鲜味🫶🏻
🌟宫崎无添加健康豚肉涮涮锅
上枱好震撼， 餐厅用咗一个日式金属嘅器皿，而且食材摆盘好靓，感觉好高级。用料方面，宫崎豚肉出色， 大葱同冬菇好香，仲有少见嘅舞茸菇，加埋出色嘅汤头🥰 感觉就好似食紧怀石料理最后一道菜， 食过先有一种完整嘅美味🫶🏻
FUMI系中环营运多年，储落唔少好嘅口碑🥰 餐厅之前出过一个放题，极受欢迎。 可惜当时冇时间试。 今餐晚饭我同闺蜜都食得好开心，享受到匠人居酒屋既料理，一试难忘，真心推介🫶🏻 俾啲贴士啲男士，如果想同心仪女士食饭，FUMI真系唔错，喺一个高级又唔拘谨嘅环境用餐，话题都多啲啦😆
张贴
