影片
更多
2021-12-07
2155 浏览
今日庆祝我同太太结婚26周年纪念，以往都系西餐为主，今年两个仔特意拣咗我哋都喜欢食嘅川沪菜，一入到去地方环境已经好舒服，大窗亦可望上半山，未食已经好满意😊我哋首先点咗两个前菜「手切跳神肉」、「一口熏鱼」及一个「酸辣汤」，「手切跳神肉」其实就系粉皮白肉再加上葱粒酱油伴食，类似蒜泥白肉菜式，味道可以嘅但唔算好有惊喜。而另一个「一口熏鱼」就真系好有惊喜，一食落去系有「哗」一声嘅反应，个熏鱼好有鱼味，醋味好香，表面一层薄薄粉酱炸到好松脆，大家都忍唔住一件食完就再接下一件，唔系夸张真系好食到不得了👍至于「酸辣汤」算系不过不失，味道正常料子亦算多，合格嘅👌前菜食完饮啖人参乌龙茶后，就开始到主菜出场，首先系「泉水虾球」，呢个𩠌系今晚第二个惊喜，用嚟浸熟虾球嘅高汤好有青花椒香味，虾球好大只又弹牙，配埋莴笋一齐食好有味道，不夸张，啲泉水几乎俾我地饮哂😂下一个系「金丝和田玉」，呢个菜本身就系好靓，冬瓜粒好似一粒粒波子咁挖出黎，再用有瑶柱丝嘅高汤浸熟，厨师将冬瓜皮雕成树叶伴碟，非常精致，当然唔系只系得个样，冬瓜粒味道非常入味，好好食😋跟住落嚟嘅「香酥鸭」真系一浪接一浪，睇图片唔使我多讲，都知系几咁松脆，其实
我哋首先点咗两个前菜「手切跳神肉」、「一口熏鱼」及一个「酸辣汤」，「手切跳神肉」其实就系粉皮白肉再加上葱粒酱油伴食，类似蒜泥白肉菜式，味道可以嘅但唔算好有惊喜。
手切跳神肉
$95
81 浏览
0 赞好
0 留言
而另一个「一口熏鱼」就真系好有惊喜，一食落去系有「哗」一声嘅反应，个熏鱼好有鱼味，醋味好香，表面一层薄薄粉酱炸到好松脆，大家都忍唔住一件食完就再接下一件，唔系夸张真系好食到不得了👍
一口熏鱼
$115
67 浏览
0 赞好
0 留言
至于「酸辣汤」算系不过不失，味道正常料子亦算多，合格嘅👌
酸辣汤
$90
56 浏览
0 赞好
0 留言
前菜食完饮啖人参乌龙茶后，就开始到主菜出场，首先系「泉水虾球」，呢个𩠌系今晚第二个惊喜，用嚟浸熟虾球嘅高汤好有青花椒香味，虾球好大只又弹牙，配埋莴笋一齐食好有味道，不夸张，啲泉水几乎俾我地饮哂😂
泉水虾球
$225
54 浏览
0 赞好
0 留言
下一个系「金丝和田玉」，呢个菜本身就系好靓，冬瓜粒好似一粒粒波子咁挖出黎，再用有瑶柱丝嘅高汤浸熟，厨师将冬瓜皮雕成树叶伴碟，非常精致，当然唔系只系得个样，冬瓜粒味道非常入味，好好食😋
金丝和田玉 (半份)
$95
49 浏览
0 赞好
0 留言
跟住落嚟嘅「香酥鸭」真系一浪接一浪，睇图片唔使我多讲，都知系几咁松脆，其实做呢类炸嘅食品，个皮系好仲要，如果系厚厚一层粉去炸，一定唔会好食。讲番呢个菜，除咗皮薄松脆外，鸭肉嫩而鲜味，又系好食😋
香酥鸭
$185
47 浏览
0 赞好
0 留言
喜欢食川菜嘅都会食「辣子鸡」，我哋当然唔例外，一般川菜馆嘅辣子鸡都系细细粒，但系1935嘅辣子鸡系大件啲，而且炸嘅方法好似炸鱿鱼须啲皮咁做，本身鸡件系冇骨容易食啲，呢种改良做法都可以接受，如果再辣啲我会更钟意😂
辣子鸡
$195
53 浏览
0 赞好
0 留言
最后我哋再加多一碗「四川担担面」，好彩有四个人，每人分少少都唔会太饱，非常好味，汤底辣味适中，个人人几喜欢，大家食完都觉得好满中😋
四川担担面
$85
53 浏览
0 赞好
0 留言
食到呢度大家都差唔多，不过忍唔住再叫多三款甜品试吓，包括「花雕话梅雪糕」、「抹茶豆沙锅饼」及「香煎南瓜饼」。
个雪糕唔使讲相信好多人都未试过，话梅味香浓，食落去似雪巴多啲，好特别好味嘅😅
花雕话梅雪糕
$55
55 浏览
0 赞好
0 留言
豆沙锅饼一向都系我嘅喜爱，而呢个「抹茶豆沙锅饼」顾名思义个脆皮系加入抹茶去做，而且炸得非常松脆，又唔会食到成口油，而抹茶味加埋红豆味非常恰当，超赞👍 ；另外个「香煎南瓜饼」亦都非常出色，外边个薄皮衣然好松脆，里面南瓜蓉亦好香👍👍
香煎南瓜饼➕抹茶豆沙锅饼
$130
40 浏览
0 赞好
0 留言
呢餐饭整体非常满意，特别系个用餐环境加分不少，当然食物质素亦好唔错，系同家人或朋友聚会嘅好地方😄
张贴
