Steik World Meats (已結業)

要揾一间环境好、食物好再加上价钱合理的餐厅庆祝唔容易。经过无数次的K11真系都唔知有间咁好既餐厅，可能因为咁所以我地好似包场咁，地方大，装修靓坐得好舒服。拣左一个set dinner 加两个前菜。一开始会有面包篮，跟住小食有牛油果蟹肉。跟住set dinner 前菜叫左鹅肝，好味入口即溶。之后两个另外点的前菜有青口同烟三文水。青口好多，细细仔好嫩好味，送埋好好食既薯条。烟三文鱼就正正常常，有唔太特别。食到呢度已经好饱，因为个薯条好多食到停唔到口。跟住黎左龙虾汤，好浓郁既龙虾味，饮完个口都仲留住阵阵鲜味，不太稀不太杰，口感岩岩好。跟住主菜拣左美国西冷，medium 熟，好期待，因为呢度出名食扒。但食晒落比较普通，牛味不太重，有筋，食左一半太饱食唔晒打包。到甜品，望落似蛋糕，只系糖霜做的，甜甜地。仲有一碟送既甜品，朱古力雪糕，macaron。最后dinner set 包一杯普通餐饮。食物味道都okay, 但服务一流，个个侍应都好有礼貌好有笑容，加上浪漫环境，所以第一次写食评推介呢度。