Savoye Bistro (SB) (已結業)

想食西餐，就去左哩间天后既西餐厅。入到去环境暗暗地，布置都有D复古味道，台头放左盏洋蠋，都真系几浪漫讲番食物先~~店员会教你由边只开始顺时针咁食，咁就可以由淡到浓去试齐唔同地方既生蚝。我唔太识食，但都食到唔同地方既蚝无论肥美程度、海水味等都有分别，都值得一试既！然后到汤，「龙虾汤」够杰身，又唔会太咸；「洋葱汤」入面仲有一块块煮淋哂既洋葱，都好鲜甜！到主菜喇，「香草羊鞍」要左medium，都好彩无overcook，煮得够淋，香草都好入味，但就唔够骚；「蟹肉risotto」就麻麻地，虽然煮得几正宗（真系起骨架），但就好淡，我直头要问waitress攞芝士粉加落去先叫有D味，亦唔系好觉有蟹肉喺入面，亦都几细兜，食完好件食左阵风咁。最后食甜品，tiramisu会比杯咖啡酒你加落去食，可惜我唔钟意阵酒味，唔识欣赏；「心太软」就好正，面头焗到脆身，一开入面D朱古力涌哂出黎，同埋食得出D朱古力酱系靓野，劲香可可味，唔得得个死甜！完满既一餐，overall都几好，但贵左D，要>$900，可能位处天后，租金贵啦！