影片
更多
2024-02-29
20 浏览
《梦亚莱泰国餐厅》 洪水桥一间蓝色两层嘅小屋，仲有个花园位，透露著悠闲嘅感觉，有种远离烦嚣嘅感觉。餐厅可以选择室内同室外，一入门口就已经有个泰味十足嘅打卡位，而且天台仲有个大月亮灯饰，劲Chill。 蒜蓉包 HKD$58小食款式多，蒜蓉包一份6条，一上菜就已经嗅到浓浓嘅蒜蓉牛油味，劲香！每条蒜蓉包都份量大而且均匀沾上蒜蓉牛油，而未有渗透成条面包条，口感外脆内软，香口得黎又唔会过于油腻，性价比高！ 炸虾饼 HKD$68热辣辣嘅炸虾饼，配上酸酸甜甜嘅酱汁，解腻又野味，最重要系肉多而炸粉少。 冬荫功汤(大) HKD$198唔好见佢又红又有D油浮面就以为好辣又油腻，呢个汤系我呢间餐应嘅第二最爱。材料多，香茅味特出得黎又唔会太抢，辣辣地加埋蕃茄酸酸甜甜嘅味道，香滑易入口得黎又唔会油腻，有种饮完唔够喉要一饮再饮嘅魔力。 泰式柠檬明炉鱼锅 HKD$198我嘅第一位！私心推介黎到呢度必食呢个泰式柠檬明炉鱼锅！泰式餐厅有呢个菜式并唔出奇，然而咁舍得以呢个价钱俾条咁厚肉嘅乌头就好少见啦！成条鱼涨卜卜得黎仲要新鲜，剁到好碎嘅蒜粒同埋辣椒仔，加埋青柠汁，真系愈食愈开胃，加埋D汤汁，每啖鱼肉都醮埋酱汁，越食越上
洪水桥一间蓝色两层嘅小屋，仲有个花园位，透露著悠闲嘅感觉，有种远离烦嚣嘅感觉。餐厅可以选择室内同室外，一入门口就已经有个泰味十足嘅打卡位，而且天台仲有个大月亮灯饰，劲Chill。
蒜蓉包 HKD$58
小食款式多，蒜蓉包一份6条，一上菜就已经嗅到浓浓嘅蒜蓉牛油味，劲香！每条蒜蓉包都份量大而且均匀沾上蒜蓉牛油，而未有渗透成条面包条，口感外脆内软，香口得黎又唔会过于油腻，性价比高！
炸虾饼 HKD$68
热辣辣嘅炸虾饼，配上酸酸甜甜嘅酱汁，解腻又野味，最重要系肉多而炸粉少。
冬荫功汤(大) HKD$198
唔好见佢又红又有D油浮面就以为好辣又油腻，呢个汤系我呢间餐应嘅第二最爱。材料多，香茅味特出得黎又唔会太抢，辣辣地加埋蕃茄酸酸甜甜嘅味道，香滑易入口得黎又唔会油腻，有种饮完唔够喉要一饮再饮嘅魔力。
泰式柠檬明炉鱼锅 HKD$198
我嘅第一位！私心推介黎到呢度必食呢个泰式柠檬明炉鱼锅！泰式餐厅有呢个菜式并唔出奇，然而咁舍得以呢个价钱俾条咁厚肉嘅乌头就好少见啦！成条鱼涨卜卜得黎仲要新鲜，剁到好碎嘅蒜粒同埋辣椒仔，加埋青柠汁，真系愈食愈开胃，加埋D汤汁，每啖鱼肉都醮埋酱汁，越食越上瘾，好似置食于泰国先食到嘅地道嘅味道。
泰式虾球炒金边粉 HKD$108
一眼就觉得呢个菜式个样好得意！金边粉炒得有镬气而干身，条条上色均匀，大大粒虾肉，而且数量多又弹牙，再配上花生粒、砂糖、碎红辣椒同新鲜青柠，将佢地捞埋一齐，口感同屠次丰富，夹杂著甜甜地嘅味道，又好有新鲜感。
椰青沙冰 HKD$58
每啖都有椰香味，而且上面仲有D椰肉喺度TIM
特级椰青 HKD$52
清凉解喝首选
张贴
