Plato Cafe & Bistro (Mikiki)

收工同同事去咗mikiki 既一间cafe，嘢食都几唔错😀晚市套餐包咗餐汤、主菜、饮品，都十分丰富🤗是日餐汤系椰菜花忌廉汤，冇咩特别，略嫌过淡。反而升级咗嘅龙虾汤有惊喜，十分浓郁。饮品方面叫咗黑牛同青柠梳打。主菜方面，有鲜茄烟肉三文鱼意大利云吞。云吞里面包裹著啖啖芝士，配上咸香嘅烟肉同茄酱，十分足料丰富。呢个西班牙海鲜饭十分邪恶，一闻落去好重牛油香。海鲜种类都十分多，有青口、大虾、鱿鱼，配上热辣辣嘅烩饭，值得推荐。成餐饭最有惊喜既都系佢嘅甜品😺热辣辣嘅朱古力心太软配上冰冻既云呢拿雪糕，冰火相溶；朱古力心太软流晒心效果理想，朱古力酱都好浓郁😋另外𠮶个开心果麻薯tiramisu ，一𢳂落去麻薯有拉丝嘅效果，配上浓浓嘅开心果酱，好有惊喜。总体而言，一间唔错嘅Cafe😛