Mata Japanese Cuisine

营业中

休息中

近排都喺长沙湾道返工,每日食晏都会同同事出去食lunch,今日喺长沙湾广场试咗一间新开嘅日本菜,真系好好食,价钱又合理,即刻喺度推介一下。Mata Japanese Cuisine 地址喺长沙湾道833号长沙湾广场3楼308号舖。餐厅嘅装修好有格调,望落去好整洁好干净,门口一大个黑板写住今日嘅菜式每样嘢都系几十蚊性价比好高。牛舌配白小町米饭 98元, 配菜有渍萝卜,四季豆,四片厚切嘅牛舌,牛舌非常入味,食落去牛肉味好香浓,口感比一般牛舌软淋,配埋秘制嘅酱汁真系好好食,白饭饭味好香,萝卜酸酸甜甜特别开胃。日本吉列豚肉配担担面 98元,呢个餐系我极力推介,首先吉列猪扒炸到金黄色,外面炸到好酥脆,而入边嘅猪扒仲系好嫩滑好多肉汁,比一般日式炸猪扒店做得更加出色,一啲都唔会鞋口。另外担担面都系出色之作,无论汤底同面身都做得好好,面食落去有咬口唔会太淋,汤底味道清香,整体配搭得啱啱好,成碗汤畀我饮晒。另外送咗块曲奇饼又香又酥脆, 超级香浓嘅花生酱味道唔够食仲可以外卖，$108 有8 块几十蚊嘅价钱食到咁好味嘅𩠌菜,我真系好欣赏,呢间餐厅我一定会经常帮衬。