影片
更多
2022-09-22
27 浏览
做完野去附近揾野食，咁口渴朋友就提意去饮茶，上网search下边度有得饮先，最近系港湾豪庭入面间海湾茶居，睇相都唔错，就去试下佢先。坐低后店员问饮普洱定铁观音，拣左普洱茶，啲茶都几香，够晒滚好饮吖。再睇睇点心纸，款式都几多，仲有午市客饭配炖汤添。落完单野食陆陆续续咁到，都好快手，全部上枱都热辣辣㗎㖞。🥢扬州炒饭先到嘅炒饭，几香口，炒得粒粒分明又唔油腻，仲好多料添，下午茶特价黎计仲好大碟，抵食！🥢黄金咸水角呢样都系热㗎，同常茶楼都系做定冻左㗎嘛，点心舖果然水准高啲～炸得香脆，个皮烟韧有咬口。🥢腩叉叉烧包叉烧馅调味得唔错，包身唔立口，好食。🥢黑松露北菇烧卖皇正正常常嘅烧卖味，黑松露味唔强烈。🥢月满晶莹虾饺皇虾饺皮略微厚咗少少，但馅料饱满，都几好食。🥢菘子素粉果松子同其他嘅素菜香口，咬落去仲有鲜味嘅蔬菜汁添。🥢大排档煎酿茄子茄子厚切，炸得外脆内软，正。🥢街边车仔肠粉好大碟，而且够哂多酱，肠粉就系要食酱嘛～🥢花生糖不甩最后仲有甜品糖不甩，一客有六粒，烟烟韧韧有咬口，最正系上面有劲多糖同椰丝花生碎等，好满足。环境好坐价钱又唔贵，商场入面嘅抵食点心舖，唔怪得午市𠮶阵咁多人等位啦，我哋等到下午茶先入
坐低后店员问饮普洱定铁观音，拣左普洱茶，啲茶都几香，够晒滚好饮吖。再睇睇点心纸，款式都几多，仲有午市客饭配炖汤添。
落完单野食陆陆续续咁到，都好快手，全部上枱都热辣辣㗎㖞。
🥢扬州炒饭
先到嘅炒饭，几香口，炒得粒粒分明又唔油腻，仲好多料添，下午茶特价黎计仲好大碟，抵食！
🥢黄金咸水角
呢样都系热㗎，同常茶楼都系做定冻左㗎嘛，点心舖果然水准高啲～炸得香脆，个皮烟韧有咬口。
🥢腩叉叉烧包
叉烧馅调味得唔错，包身唔立口，好食。
🥢黑松露北菇烧卖皇
正正常常嘅烧卖味，黑松露味唔强烈。
🥢月满晶莹虾饺皇
虾饺皮略微厚咗少少，但馅料饱满，都几好食。
🥢菘子素粉果
松子同其他嘅素菜香口，咬落去仲有鲜味嘅蔬菜汁添。
🥢大排档煎酿茄子
茄子厚切，炸得外脆内软，正。
🥢街边车仔肠粉
好大碟，而且够哂多酱，肠粉就系要食酱嘛～
🥢花生糖不甩
最后仲有甜品糖不甩，一客有六粒，烟烟韧韧有咬口，最正系上面有劲多糖同椰丝花生碎等，好满足。
环境好坐价钱又唔贵，商场入面嘅抵食点心舖，唔怪得午市𠮶阵咁多人等位啦，我哋等到下午茶先入坐就松动好多啦。
张贴
