玥

营业中

休息中

1️⃣冬桂珍珠鲜奶茶(桂花乌龙） +红豆炎炎夏日，饮杯冰镇珍珠奶茶🧋真系好爽🤩乌龙茶带著淡淡嘅桂花香气，是我最钟意嘅奶茶配搭。2️⃣琥珀合桃个人对琥珀合桃系有情意结。钟意食但唔容易揾到啱自己口味。呢度甜度算是微甜，食多两粒都唔会觉得腻，而且几脆口，冇食到苦涩味，算符合我嘅口味☺️3️⃣无花果黑醋骨口味偏甜，夹起排骨时有少少拔丝，食落似系用咗黑糖🤔 酸味较弱，加上酱油调味，咸咸甜甜都几好味。4️⃣皮蛋三杯鸡香港嘅台式餐厅，比较少食到皮蛋三杯鸡呢种配搭，又几啱feel😙 一上枱见到酱汁仲滚紧气泡，热辣辣好正，流晒口水🤤 鸡肉几入味，三杯鸡灵魂酱油好惹味，配白饭一流！5️⃣蜜姜脆鳝外表炸皮薄脆，都系偏甜口味嘅菜式，内里鳝肉嫩白，一啲都唔腥。好适合钟意口味偏甜人士。6️⃣招牌牛白汤牛肉面汤底奶白香浓，配料亦都几多。几钟意上面串炸豆卜，浸满汤汁一齐食，好满足！牛肉片睇落好新鲜，切纹几靓，食落唔会好「鞋」。面条不过不失👍🏻 整体嚟讲几满意👍🏻