YOLO (已結業)

将军澳愈来愈多新开的食肆，感觉选择愈来愈多，希望摆脱美食沙漠的名字。想食泰国菜唔一定要去九龙城，今次拣左间位于宝林站新都城３期的Yolo，见到Openrice 的评语原来以前系食西餐，最近餐牌转左泰国菜，即刻试试先。首先讲左舖头环境先，环境清静好啱倾计或情侣黎食饭，侍应都非常有礼貌，非常加分。望住个餐牌，虽然唔算选择好多，但大部分人会食的都有，我地因为贪心又想食串烧，又想食虾饼，所以叫左个大拼盘^^，加左个青咖喱牛加配印度薄饼，仲有必食的马拉盏炒通菜。个拼盘有串烧(鸡/猪)，单骨咸蛋黄鸡奕，番薯条，泰式沙律同肠仔，肠仔个味似泰式鱼饼的味，充满柠檬叶的香味，串烧的沙嗲汁好食，花生味重。个青咖喱牛肋条配印度薄饼好夹，不过配饭的话应该更好，超好送饭。然后个通菜都好食，唔会好老，整体感觉不错，都建议大家黎试。