笑酤和味炭燒 (The Pulse) (已結業)

阿妹特登攞假陪我，原本谂住去浅水湾一日游，点知天气唔好，冇得落沙滩，唯有喺商场hea。商场唔大，不过好多餐厅，大部分西餐，我哋揾咗间环境好好嘅日本餐厅食嘢。呢度Lunch set选择好多，除咗寿司、刺身、日式丼外，仲有备长炭烧肉，好吸引☺️备长炭烧鳗鱼，$260系众多款肉入面，我哋拣咗鳗鱼，鳗鱼劲肥美，似系新鲜烧出嚟嘅，好香，而且加咗好多鳗鱼汁，好好味，不过即场烧，所以要等耐少少。成个餐仲有碗好足料嘅面豉汤，另外可以拣乌冬或者白饭。和牛乌冬，配吞拿鱼腩小卷、饺子，$258和牛份量比想像中多，唔会好肥，食落好香牛味，乌冬有嚼劲，唔错。而吞拿鱼腩小卷要快啲食，我哋迟咗食，块紫菜已经唔脆。寿司定食，$380寿司定食包8件日替寿司同埋1条加洲卷，份量劲足，唔够？仲可以拣乌冬同白饭，最饱系呢个餐，根本冇可能食得晒🤣餐厅lunch time都几多人，不过因为餐厅够大，坐得好舒服，而且抽气做得好好，师傅一路系度烧都冇乜味，唔错。