川滿居 (京都廣場)

营业中

休息中

见到社文平台广告新开铺，有套餐同订座优惠，特登去试下，顺便满足下辣瘾！同朋友叫左个套餐，三款鱼主菜三选一（酸菜鱼/水煮鱼/烤鱼），份量算大份，鱼唔算好滑，有小量骨，配料都多，够酸够香。小菜选一（简左干炒四季豆），炒得好香，清碟！前菜选一（简左口水鸡），鸡刚刚够熟，肉质同皮都滑，唔会好肥，酱汁味道还好。食完唔够整多个自选招牌香锅，自选5个𩠌（牛肉、鱿鱼、牛肚、莴笋、四季豆），牛肉好香孜然粉味，腌得好入味，鱿鱼一般，牛肚唔够淋，莴笋同四季豆炒得够香。整体环境舒服、员工热心招待，每样𩠌都会问你要咩辣度，老板娘话下次叫我地试下片皮鸭，有机会再去。OpenRice 订座食满$300减$20，入座记得同职员讲声。