正斗粥麵專家 (又一城)

营业中

休息中

喺又一城血拼完，无理由去食food court咁颓，个friend又话钟意食云吞面，于是就去咗正斗，贪佢够舒服，可以同朋友坐下倾下计。三个女人一个墟，叫咗碗云吞面、蛋煎虾米肠同福州炒饭。开头谂住嗌多碗粥，但好彩临崖勒马，如果唔系就会做大嘥鬼，无谂过啲嘢咁大碟。个friend大赞话正斗碗云吞面系佢食过最好食嘅云吞面。首先啲云吞喺面嘅下面，应该系唔想啲面浸得太淋，系传统嘅做法。而细细粒嘅云吞先系正宗，一啖一粒。佢仲话啲云吞入面嘅虾好鲜，食得出有香油味。佢连碗汤都饮埋，我谂真系好好食。。。我就最欣赏个福州炒饭，好足料，最钟意𠮶啲瑶柱丝同冬菇粒，个饭底一啲都唔hea，应该用靓鸡蛋去炒，有蛋香味又金黄。百三蚊咁大碟真系抵，酒楼都系咁上下价位但无咁出色～蛋煎虾米肠喺出面少见，由于佢系圆形，我哋就当佢pizza咁砌，哈哈。都几特别，无谂过虾米肠同蛋都夹到。