Prohibition 扒房．酒吧

营业中

休息中

久违地同男朋友撑枱脚，餐厅系由佢选择的，佢话之前同屋企人食过真系质素都唔错，就带咗我去食。餐厅嘅氛围都十分好，环境十分舒服，好岩同另一半一齐去食，纪念日都岩！前菜叫咗日本静冈县蕃茄沙律，沙律的汁系意大利黑醋汁配上水牛芝士和蕃茄意外地夹，而且真系好开胃和清新。烧海鲜拼盘，呢个系二人的份量会相对比较多但海鲜都几新鲜的，包括有新鲜龙虾，珍宝大虾，北海道带子和蟹饼。龙虾同大虾都系大大只的，我同男朋友最钟意系蟹饼特登要配上蕃茜他他酱简直就系绝配。另外叫咗原条深海龙脷18安士，鱼肉十分嫩加埋柠檬牛油汁，酸酸地真系好正。最后有个炒杂菜就不过不失。