吉野家 (健威坊)

营业中

休息中

由于呢间吉野家分店好近我哋屋企，所以耐唔耐都去食下。近排天气开始转凉，当然心思思想烚吓烚吓啦，所以今晚就带埋小朋友去吉野家打边炉喇。其实一直都知呢间吉野家坐得比其他分店舒服，因为出面啲分店好迫，但系呢度完全冇呢个问题，所以我哋都几钟意嚟呢度食。最重要系带埋小朋友嚟食都好方便因为佢有BB櫈可以提供，不过全间店得两张，实在太少，希望佢可以增加多啲啦。呢度所有嘢我哋都ok满意，除咗一样野就系啲BB櫈好多污积，就算点抹d积都会喺度，所以如果好介意嘅家长就唔好带小朋友嚟呢度啦。吉野家打边炉已经唔系新鲜事，不过呢个芝士竹仑又系新野，食落又几好，啲浓汤keep住一样咁好，所以落埋个wu冬就啱啱好，唔会太饱