睿海御宴 (已結業)

向来好中意大坑呢个区，一个小区以位置黎讲其实算方便，就近铜锣湾同天后。最近有个亲戚带咗我去试吓戈度嘅私房菜，环境舒适，员工服务友善。Lunch time相信比较多人食午市套餐，有各款特色小菜供客人选择。「睿之选」、「海之选」食材高级，可以一试。酥炸鲜虾角🦐包个边戈个折叠位好似饺子咁🥟好治愈☺️外皮脆卜卜，里面虾肉口感实在，爽口弹牙。椒盐吊筒仔🐙喺出面好少食到吊筒仔，脆炸之后仍然吾会好油腻，吊筒仔好爽口又大大件。腐皮香酥鸡卷店员话系传统福建菜，就咁食其实冇乜鸡味🤣反而似糯米卷，馅料丰富。蟹籽蒸虾丸🦐就咁睇落好似打边炉嘅蟹籽虾滑，不过变咗虾球，虾胶打得实在，呢个几好味。XO翡翠炒豚肉，即西芹加炒豚肉，豚肉脂肪部分较多，滑溜溜配XO酱带点滋味。蜜糖咕噜黑豚肉，咕噜肉颇有嚼劲，酸酸甜甜味道向来受人欢迎。