華苑酒家 (已結業)

呢排天气又凉返少少, 就决定同朋友入元朗打返个边炉先!拣左呢个酒楼，地方好阔落，经理好好态度，一嚟就俾左张纸同介绍有咩好推介。落完单后就去左自己调酱料，酱料款式选择都几多，基本上大路既都有，仲有炸蒜，生蒜果D可以跟自己口味加落去，而蔬菜亦都系雪柜任拎，想食就可以随时落，唔洗下下等到汤底吸晒油先食，清新好多！边炉料方面同其他大路任饮任食既酒楼差唔多，都系有肥牛同埋丸类果D，值得一赞既系牛丸系手打既，同其他出面普通既牛丸唔同，无咁弹牙但系食落亦都无咁胶，真系食得出有牛肉既味道，同两个朋友一共嗌左五碟，好食！而成餐饭食落环境比起其他酒楼系相对舒服好多，无咁嘈离都几舒服，岩晒同几个朋友一齐嚟饮酒吹水。最后埋单果阵仲试埋佢地既桂花榚同椰汁榚，相当有惊喜，味道拍得住出面中高档嘅中菜馆，饭后绝对要一试！