WM Café & Bar (科學園) (已搬遷) 新店位置

今日去大学揾朋友，朋友话大学站啲嘢食到好闷，所以就去咗科学园揾嘢食，见呢间食西餐嘅舖头环境都OK，所以就入咗去啦。佢有lunch set嘅，我同朋友每人叫咗个意粉，分别系义式肉丸肉酱意粉同埋牛肝菌汁牛柳粒焗意粉。个肉酱意粉蕃茄味好浓，有粒粒车厘茄，肉丸同意粉数量都几多，一定系健康之选。我叫嘅牛肝菌汁焗意粉既牛柳粒都淋嘅，有浓浓既牛肝菌味，意粉份量好多啊食到好饱。我哋两个都叫咗杯朱古力，个朱古力上面有好多奶泡确实系用心制作，都够朱古力味不过就甜咗少少。最后我哋两个人share左一个柠檬芝士蛋糕，个蛋糕就有惊喜嘅，佢因为柠檬有小小酸，但芝士味都几重同埋佢有特登整个消化饼饼底！个蛋糕都好软滑。