影片
更多
2022-01-05
448 浏览
放假去愉景湾行下，帮衬咗呢间新开嘅中菜。大堂楼底超高，窗外望到好多花草树木， 加上当日阳光好好，真系好舒服， 香港好少酒楼有咁嘅环境。今次5个人嚟，试咗几样点心同小食，质素都唔错，特别推荐虾饺，大大粒之余虾肉新鲜同好弹牙。手袋千丝酥系佢哋嘅推介，个皮好松化，入面牛肉碎唔会太咸。朋友喜欢香口野所以试埋个煎锅贴，个皮厚薄适中，个人唔钟意啲肉太肥，呢个就啱啱好。菠萝叉烧包个皮同埋馅料味道都ok，不过热啲就更好。另外试咗个素鹅，外脆内软，食素嘅人可以试下。整体嚟讲食物质素唔错，味道唔会太浓，感觉似乎冇乜味精，适合钟意健康饮食嘅人，但系可能系新开，啲员工仲系有啲唔熟手。下次会嚟食晚饭，试下佢啲小菜！
今次5个人嚟，试咗几样点心同小食，质素都唔错，特别推荐虾饺，大大粒之余虾肉新鲜同好弹牙。手袋千丝酥系佢哋嘅推介，个皮好松化，入面牛肉碎唔会太咸。
朋友喜欢香口野所以试埋个煎锅贴，个皮厚薄适中，个人唔钟意啲肉太肥，呢个就啱啱好。菠萝叉烧包个皮同埋馅料味道都ok，不过热啲就更好。另外试咗个素鹅，外脆内软，食素嘅人可以试下。
整体嚟讲食物质素唔错，味道唔会太浓，感觉似乎冇乜味精，适合钟意健康饮食嘅人，但系可能系新开，啲员工仲系有啲唔熟手。下次会嚟食晚饭，试下佢啲小菜！
张贴
