金牌

营业中

休息中

九龙湾淘大商场 , 近排开咗一间好大间嘅茶餐厅 GOLD LABEL,每日都好多人等位, 今日专诚早啲去食晚饭， 去试下呢一间茶餐厅。入到餐厅环境舒适光猛，大部分都系卡位宽敞舒适。 侍应服务好好， 我叫咗个扒餐，送到嘅时候侍应都会提我哋小心唔好辣亲❤️。 餐牌食物种类繁多 ，多款套餐选择好抵食。香煎鸡扒捞丁套餐：除咗 鸡扒捞丁之外套餐仲有丹麦多士， 3.6牛乳火腿奄列及饮品， 鸡扒 黄金色泽， 表面煎得焦脆， 捞丁调教味道刚好， 面质亦唔会太淋。加拿大龙虾尾拼纽西兰肉眼扒套：套餐仲有蒜蓉包，餐汤，饮品。加拿大龙虾尾 肉质紧实多汁，加上特制酱汁更能突出龙虾嘅鲜甜美味， 纽西兰肉眼扒肉质柔嫩， 肉味浓郁， 肥瘦均等。瑞士鸡翼：鸡翼肉汁鲜嫩多汁， 酱汁调教得相当唔错 ,浓郁香甜好味。