小茶角 (Wetland Seasons Bay)

营业中

休息中

去完湿地公园，系附近揾野食餐肚。估唔到附近有几间餐厅，环境都唔错，仲有户外用餐位置，最岩而家天气凉凉地。拣左呢间食西餐，店内环境有D特色，墙上挂满卡通珍珠奶茶挂画，好可爱，仲有一个小小既corner摆放住Mirror 既相。店内除左有儿童餐供应，仲有家庭餐供应，家庭餐超丰富，仲包埋小食、甜品，$288，一家四口都相信够食。儿童餐有两款，包左主食、小食、沙律同饮品，$55。11点至3点有午餐供应，可半价加配饮品。纽西兰牛肉眼扒 8oz ，$158， 配埋沙律同超多炸薯角。甜品相当吸引，蕉糖香蕉窝夫，$68，窝夫松脆，香蕉香甜蕉香，配上云呢拿雪糕同蕉糖浆，冰火交融，冲击味蕾。食物全部即整，但都算上菜快。