影片
更多
2017-01-12
66 浏览
今日想食burger，朋友同我都系住香港区，所以朋友拣咗呢间cafe话想试吓，地点好易揾，内里装修好舒适。今次叫咗两个餐一齐食。头盘：凯撒沙律细细碟，酸酸哋，为头盘作一个完美的开引号。澳洲和牛汉堡配汉堡包：$158黑色嘅和牛竹炭汉堡外表吸引，和牛够厚身好多汁，值得一试。薯条每一条都好脆，真系食到好满足。甜品：柚子茶慕丝（香橙士多啤梨舖面）闻落系好香橙同士多啤梨味，但味道就一般。是日特饮：百香果绿茶味道甜咗少少，但百香果口味好香。宝云酥焗羊架配烧汁 $278由于本身好钟意食羊，所以就拣咗呢个餐。个餐包两件羊架配炸紫薯饼，羊架好嫩，好香羊味。同朋友一人一件啱啱好。炸紫薯饼外层好脆，一切开就见到好吸引嘅深紫色，食落有甜甜嘅紫薯香，好好食。玫瑰花果茶 $32比想像中甜，之后问过侍应，原来系加咗蜜糖。如果蜜糖可以由客人自己加，咁样会好啲。因为本身唔太钟意饮得太甜。炼乳士多啤梨窝夫 $68窝夫好松化，睇得出系啱啱整好，够热，配埋士多啤梨雪糕同士多啤梨肉一齐食，一冷一热口感好丰富。整体而言，可以再去的一间cafe. 和牛汉堡真系餐厅主打必食推荐。服务质素可以接受，侍应会主动介绍比较多客人点嘅餐俾我哋
头盘：凯撒沙律
细细碟，酸酸哋，为头盘作一个完美的开引号。
澳洲和牛汉堡配汉堡包：$158
黑色嘅和牛竹炭汉堡外表吸引，和牛够厚身好多汁，值得一试。薯条每一条都好脆，真系食到好满足。
甜品：
柚子茶慕丝（香橙士多啤梨舖面）
闻落系好香橙同士多啤梨味，但味道就一般。
是日特饮：
百香果绿茶
味道甜咗少少，但百香果口味好香。
宝云酥焗羊架配烧汁 $278
由于本身好钟意食羊，所以就拣咗呢个餐。个餐包两件羊架配炸紫薯饼，羊架好嫩，好香羊味。同朋友一人一件啱啱好。炸紫薯饼外层好脆，一切开就见到好吸引嘅深紫色，食落有甜甜嘅紫薯香，好好食。
玫瑰花果茶 $32
比想像中甜，之后问过侍应，原来系加咗蜜糖。如果蜜糖可以由客人自己加，咁样会好啲。因为本身唔太钟意饮得太甜。
炼乳士多啤梨窝夫 $68
窝夫好松化，睇得出系啱啱整好，够热，配埋士多啤梨雪糕同士多啤梨肉一齐食，一冷一热口感好丰富。
整体而言，可以再去的一间cafe. 和牛汉堡真系餐厅主打必食推荐。服务质素可以接受，侍应会主动介绍比较多客人点嘅餐俾我哋参考，感觉满意的一餐。
张贴
