阿不 (已結業)

今日上午覆完诊见无大碍，即刻唔忌口，决定中午食番啲唔健康嘢奖励下自己过左关。之前跟朋友食过一次，主要拣啲ig-able嘅精美点心，今次就一心拣啲基本但唔易煮得好味嘅食物嚟趟尝味之旅。得一个人，拣左烧卖、蒜蓉蒸鲜鱿、虾酱骨三样。食物方面，烧卖大粒，但蒸过火，皮有点烂，肉多但较实，亦欠肉鲜味。蒜蓉鲜鱿上枱时见白白的，看似一般，点知食落最有惊喜，鲜味十足，份量亦很足。至于虾酱骨就不过不失，略嫌虾酱味少，唔入味，但炸得刚好，口感不俗。整体而言，食物味道中规中矩。但餐厅环境舒适，枱与枱之间空间感还好，而茶的质素亦算中上。