影片
更多
2022-05-10
51 浏览
今日同朋友一齐黎到哩间日本餐厅食omakase～餐厅环境雅致舒适，吧枱揾能够望到厨师制作寿司既过程，超钟意佢既桌垫同餐碟，真系超靓超有质感💕而且餐厅仲会提供热毛巾比客人抹手，真系好有日本既感觉🇯🇵餐厅会提供口罩套，店员服务亦好好，会因应你既需要加茶，亦会仔细介绍食品。餐厅既omakase套餐有三款，今次我同朋友都叫左$1280哩款～✨秀 18品 Omakase $1280🔸前菜：汁煮子持乌贼乌贼爽口弹牙，里面充斥住满满既乌贼籽，味道香浓微黏口；昆布爽脆，淋上醋后，微酸开胃，系一道几出色既前菜，旁边附有Wasabi可以自行调味。🔸大入岛蚝生蚝上面有鱼子酱作点缀，而且厨师会用清酒轻轻煮一煮生蚝，所以入口会有淡淡既清酒味，生蚝新鲜，质感较为creamy一啲，味道带有海水既微咸。🔸鲣鱼鲣鱼系厚切既，非常新鲜，质感软腍无筋，面层放上微甜既洋葱汁，正正能提升鱼肉既鲜味，好食推介👍🏻🔸大拖罗哩个真系超好味❗️因为经过两个月既熟成，所以鱼肉会较有质感，油脂相当丰溢，咬几下已经系半融状态，满口油脂真系几正❤️上面仲有啲芥末子，好食推介👍🏻🔸萤光鱿鱼葱渍碟内有三只原只萤光鱿鱼，鱿鱼质感爽弹，非常新鲜。🔸牡丹虾
餐厅会提供口罩套，店员服务亦好好，会因应你既需要加茶，亦会仔细介绍食品。
餐厅既omakase套餐有三款，今次我同朋友都叫左$1280哩款～
✨秀 18品 Omakase $1280
🔸前菜：汁煮子持乌贼
乌贼爽口弹牙，里面充斥住满满既乌贼籽，味道香浓微黏口；昆布爽脆，淋上醋后，微酸开胃，系一道几出色既前菜，旁边附有Wasabi可以自行调味。
🔸大入岛蚝
生蚝上面有鱼子酱作点缀，而且厨师会用清酒轻轻煮一煮生蚝，所以入口会有淡淡既清酒味，生蚝新鲜，质感较为creamy一啲，味道带有海水既微咸。
🔸鲣鱼
鲣鱼系厚切既，非常新鲜，质感软腍无筋，面层放上微甜既洋葱汁，正正能提升鱼肉既鲜味，好食推介👍🏻
🔸大拖罗
哩个真系超好味❗️因为经过两个月既熟成，所以鱼肉会较有质感，油脂相当丰溢，咬几下已经系半融状态，满口油脂真系几正❤️上面仲有啲芥末子，好食推介👍🏻
🔸萤光鱿鱼葱渍
碟内有三只原只萤光鱿鱼，鱿鱼质感爽弹，非常新鲜。
🔸牡丹虾
牡丹虾新鲜弹牙，虾肉经过花雕酒腌制，花雕酒味道非常突出。
🔸炸金鲷
哩个炸金鲷超有惊喜❗️佢系连埋鱼鳞一齐炸，鱼鳞炸得超香脆，鱼肉劲嫩滑，真系好好味！最底有蜜糖芥末酱，酱汁同鱼肉既味道相当夹，超好食推介👍🏻
🍣寿司
寿司师傅已经调好左味道，无需再点任何酱汁。
🔸樱鳟
樱鳟非常新鲜，质感软腍，而且充满油脂感，鱼肉上面放上少许葱酱，葱味亦相当突出。
🔸赤贝
赤贝超新鲜爽弹，入面加上蛋黄醋、柠汁及岩盐，味道层次丰富，真系几特别又好味。
🔸酱油渍赤身
赤身肉质较厚，质感较为扎实一啲，入面加上黄芥末及少许大葱碎。
🔸松露野箘蒸蛋
食到中途会上蒸蛋俾客人请一清口腔，蒸蛋超超超滑，劲香松露既味道，配上野箘味道相当唔错。
🔸马粪海胆
马粪海胆真系不得了❗️超级鲜甜，一放入口完全系口腔融化，一啲都唔会腥，神级好味！配有炸紫菜做底，面层放上少少豉油提鲜，超好味推介👍🏻
🔸昆布左口鱼
左口鱼够新鲜，底下仲有烧过既裙边，带有烧过既香气，而且入口油脂亦几丰富。
🔸油坊主
油坊主既质感好特别，而且油脂丰富，咬几下都已经接近半融既状态，鱼肉加上蒜同豉油，而且经过烟熏（厨师会系你面前打开烟熏瓶，好啱打卡📸️）但油坊主既味道都唔会浓重，有调味既情况下仍然保留鱼既鲜味。
🔸拖罗手卷
师傅会专登你需要正常饭量定系小饭，非常贴心！里面有满满既拖罗蓉，真系超满足！
🔸江户前玉子
江户前玉子无添加面粉，但外型同味道都好似芝士蛋糕咁，质感湿润，空气感满满，而且充满蛋香。
🔸鲍鱼羽太清汤
鱼汤味道清新，暖笠笠饮落超舒服，鲍鱼新鲜弹牙，已经切片，而羽太即系我地理解既班，鱼肉嫩滑细致，仲有少许柚子皮，带有少少柚子香气。
🔸静冈蜜瓜，佐贺柑桔
蜜瓜清甜爽脆；柑桔酸甜多汁，完全无核。
整体黎讲，餐厅环境雅致舒适，食物质素相当高，真系每一样都好好食！仲有好几款系超有惊喜！真系几推介大家试下，完全系庆祝生日或者纪念日既好选择💕
张贴
