火土燒肉

行过K11 ，见到铺天盖地喺商场嘅广告，就入去试下。装修宽敞舒适，行露营风，有休闲开心嘅感觉。👌🏼黑醋冰蕃茄沙律 $28酱汁系柚子汁嘅味道，唔会太酸太甜刚刚好，几清新。蔬菜就冇乜特别，都系普通沙律菜。全牛特选拼盘 $478🤔牛胸腹：正常水准，冇咩特别印象☹️牛肋肉：比较嚡口硬实，唔系预期中牛肋肉𠮶种软腍腍嫩滑嘅质地🥰雪花牛小排：呢个质地最好，既有厚实嘅口感，有咬口得来又够柔软嫩滑🤔牛舌：佢系切到好长好长一大条，唔似平时切到薄薄一片片，再卷着啲葱，正常水平。🤔苹果味噌鹅肝片 $138味道比较淡，冇鹅肝𠮶种浓郁嘅香味，亦唔系好食到苹果味或者味噌味。觉得佢应该要有啲盐同黑椒调味会好啲。🤔牛油烧广岛蚝 $78蚝放喺有蒜蓉牛油嘅锡纸盒入面滚熟佢。因为系滚熟，所以就唔系烧到爽脆𠮶种口感。味道正常。👌🏼玉子海苔饭 正常预期中嘅味道。总结：质素正常，唔伏但又冇话好出色。