犇道 Chef Ben- Cafe & Steak Bar (弦海) (已結業)

今日放假约咗朋友去屯门行街食饭，佢带咗我去一间西餐厅食物质素好好，餐厅仲可以望到个海边感觉舒适，值得推介。犇道 餐厅位置喺屯门业旺路101号弦海地下，餐厅装修好有格调，一大片落地玻璃望出去有好多花花草草，仲有河边感觉好舒适。bbq猪肋骨 152元，bbq猪肋骨火喉控制得啱啱好，猪肋骨入口非常嫩滑，配上烧汁令到味道更加有层次。一啖咬落去仲好juicy。蒜香橄榄油蚬肉大虾意粉 108元，材料丰富有大虾蚬肉份量都好多，意粉煮到啱啱好，软硬度适中，加上榄油令到意粉更加嫩滑，意粉有虾肉同蚬肉嘅味道，鲜味十足。澳洲沙朗西冷牛扒七成熟配上黑椒汁，179元，西冷扒卖相吸引，size好大，边位烧都有少少焦香，入口牛肉味香浓，肉质嫩滑，火喉控制得啱啱好将肉汁锁住。配埋餐厅嘅烧汁令到牛肉味嘅层次更加丰富。牛角窝夫鲜果雪糕 68元，牛角窝夫又香又热，入口松脆，配雪糕食真系有冰火嘅感觉，味道又唔会太甜，甜到适中。