影片
更多
2022-05-20
35 浏览
疫情下d年假无得用黎去外国旅行，唯有得闲放下假系香港周围食下行下。今日黎到赤柱玩，记得网上有人介绍一间名为地标之一嘅黄屋餐厅，难得平日唔系太多人等位，就打算黎坐下食个lunch啦。餐厅共有3层，有分室内座位同埋露台位，由于今日天气好又未系太热，我地拣左坐顶层嘅露台位。餐厅环境开扬，里面相当好光猛，露台位仲可以望到海景，真系好写意，打卡一流呀！餐牌上选择非常多，食物方面除左set lunch之外，仲有brunch类，饭，意粉，pizza，鱼同扒类，小食及甜品。至于饮品，除左有咖啡，茶，果汁，汽水，smoothies之外，仲有各式各样嘅酒精饮品。由于set lunch 唔系太啱口味，我地选择散叫，拣左一个头盘，一个小食同一份甜品。白酒/蕃茄酱煮新鲜青口 （1公斤）：青口采用左新鲜波士顿青口，可以拣白酒或蕃茄煮，我地拣左蕃茄，份量有成煲咁多呀，大小刚刚好，蕃茄味道香浓，有轻轻嘅蒜香味，入口鲜甜，非常惹味，食晒d青口后仲可以用多士黎点净返嘅汁食添，简直系完美嘅配搭呀。英式炸鱼薯条 ：鱼柳好大块，做法相当正宗，炸得非常香脆，肉质相当嫩滑，薯条方面系幼薯条，入口香脆，令人一条一条咁食过不停。至于酱
今日黎到赤柱玩，记得网上有人介绍一间名为地标之一嘅黄屋餐厅，难得平日唔系太多人等位，就打算黎坐下食个lunch啦。
餐厅共有3层，有分室内座位同埋露台位，由于今日天气好又未系太热，我地拣左坐顶层嘅露台位。
餐厅环境开扬，里面相当好光猛，露台位仲可以望到海景，真系好写意，打卡一流呀！
餐牌上选择非常多，食物方面除左set lunch之外，仲有brunch类，饭，意粉，pizza，鱼同扒类，小食及甜品。至于饮品，除左有咖啡，茶，果汁，汽水，smoothies之外，仲有各式各样嘅酒精饮品。
由于set lunch 唔系太啱口味，我地选择散叫，拣左一个头盘，一个小食同一份甜品。
白酒/蕃茄酱煮新鲜青口 （1公斤）：青口采用左新鲜波士顿青口，可以拣白酒或蕃茄煮，我地拣左蕃茄，份量有成煲咁多呀，大小刚刚好，蕃茄味道香浓，有轻轻嘅蒜香味，入口鲜甜，非常惹味，食晒d青口后仲可以用多士黎点净返嘅汁食添，简直系完美嘅配搭呀。
英式炸鱼薯条 ：鱼柳好大块，做法相当正宗，炸得非常香脆，肉质相当嫩滑，薯条方面系幼薯条，入口香脆，令人一条一条咁食过不停。至于酱汁，除左有茄汁同他他酱之外，仲有青豆蓉，相当特别。
French toast：
港式西多平时就食得多，正宗西多就唔多机会食。呢度嘅french toast 系用 Brioche bread整成，一份有四件，每件都好厚身，食落软淋淋，有轻轻嘅蛋香同肉桂味，仲配有香蕉，士多啤梨，蓝莓，朱古力酱同雪糕，呢个配搭，吸睛之余仲令人食得开胃添。
呢度环境优美，近海可以吹下海风又有靓景，食物同服务都唔错，平日唔多人又唔洗赶住埋单，真系可以系度坐一个下午呀。
张贴
