28居酒屋 (已結業)

28居酒屋由大舖搬到细舖，等候时间明显长左，一般晚饭时间都要等20-30分钟，门口堆左好多等食嘅人，所以建议早少少去食，大约六点松啲左右就去，唔洗等咁耐。就算等完被安排入座，都要等食物黎，店舖内明显人手不足，店员做到踢晒脚，又有出现漏单嘅情况，所以服务方面评价会较差（唔系店员的错，只系店员人手不足以应付客量）另外由于店面较细，坐位之间好窄，要坐入面嘅位都要摄手摄脚行入去，拎住个大啲啲嘅袋都要捧住或者冇左你背后半个位。食物方面，日本野黎讲十分抵食，个人推介烧茄子、冬菇、牛舌，牛舌好juicy有咬口而唔推介嘅有金菇牛肉串同和牛粒串，金菇牛肉串嘅牛烧得好干好难，而和牛粒完全冇牛味，唔值得试。撇除服务同环境，食物质素算好唔错，性价比高，所以整体都系中上水平。