28居酒屋 (已結業)

每次去28居酒屋，講得最多嘅說話就係:好好味呀！！今晚都唔例外！推介1）鮮帶子壽司:$22肥美，正！推介2）蟹膏軍艦壽司$18連紫菜都脆，無得輸！推介3）鹽燒左口壽司$18好香口，好美味！推介4）芝士年糕$18芝士控之選，流心爆芝！推介5）牛舌串$28厚切有咬口！推介6）黃金燒蠔$45即叫即整，又肥又鮮！推介7）法式鵝肝$58好抵，每次食都覺得好幸福！推介8）燒三文魚骨腩$48落左七味粉整，勁香口，份量又多！推介9）煙肉荔枝卷$18留到最後食，就可留住甜甜嘅味道，refresh嘅感覺！大滿足！！

今晚星期五，梗係出街食～ 又唔想周街去，係屋企附近食就算。平時唔想等位，見好耐冇食，咁今晚就去等下位。28真係抵食～ 兩條友食到勁飽，三舊幾水埋單。都真係抵食夾大件。

西環想搵間價錢相宜又好味既日式居酒屋係幾難既，好多都走高檔或壽司或串燒店，28居酒屋係名符其實既小店，真係得幾張枱，裝修尚算精緻串燒壽司日式料理都有，咩都要試吓壽司黎喇！鮮帶子，大舊又夠鮮，好味，重點係，$22兩舊驚人性價比，蟹膏軍艦壽司，蟹味唔算超濃但蟹膏滿滿，都好滿足既加州反卷，量真係好大份，正常既味道重點黎喇，芝士燒三文魚，趁熱一啖放入口，少少燒焦既熔化芝士配燒熔左既三文魚油，實在超超滿足鹽燒左口魚裙邊係我係炙燒壽司入面好偏愛既款式，成舊左口燒完變前一舊香爆魚油咁，要試啊！終極勞蘇食推介 —— 牛油燒赤海蝦壽司，本身諗住試下咋，點知上枱已經好香，大大隻海蝦，好香既燒牛油蝦，入口口感好香好正到唔識講牛油同海蝦肉同壽司飯夾到，必食必食必食日本料理食物，食完壽司叫左個芝麻凍豆腐，清清口味，份量好大個，味道正正常常，好多醬燒雞皮，依家愈來愈少地方有得食，香脆，相對較細塊但都正既多春魚，夠大條肉質唔錯最後有個off menu既溫泉蛋，好滑而蛋質控制得好好，個汁又唔會咸，清得黎又好味最後其實再食多左round牛油赤海蝦壽司，實在太正周圍望人哋食既野都仲有好多勁吸引必定要返黎食，然而另一驚驚驚

諗左好耐究竟應唔應該分享呢間由細食到大嘅壽司鋪呢🤣🤣 一方面佢真係好L正 另一方面唔想以後去食要排隊🤣🤣🤣🤣🤣（自私的肥婆）不過我諗讀kong u嘅朋友/西環尾街坊應該唔會陌生啦😎 就係係堅尼地城嘅#28居酒屋 呢舊芝士燒三文魚！！舊肉又厚芝士又重料 重點係咩？ 係大件夾抵食呀媽咪😭😭😭😭 爭鮮回轉價錢但高汁享受 邊到搵呀！！ 其實佢樣樣野都好正但我個人極推呢款🤪 一講就流口水yumyumyum

38蚊碗大蔥牛肉烏冬有驚喜，初初以為牛肉係肥牛片，點知係成舊牛腩咁上，牛肉唔韌而且有咬口，十分難得！另外叫左三文魚腩刺身、椒鹽牛舌、燒雞翼、左口魚裙邊刺身、炙燒三文魚壽司，同樣十分出色！魚油香滲入每個味蕾，愛食魚生之人必定好喜歡！三文魚腩刺身並無寫係menu上，需要直接問waiter。唯獨美中不足係座位有少少逼狹，而且位置少，如果同朋友坐耐少少吹水，環境就未必太理想，但食物質素同價錢絕對值得我推薦俾大家。

三個人，大約食咗三百幾蚊，日本野黎講算係抵食，不過佢間鋪真係唔算大，聽朋友講平要排隊。等我逐樣嘢食介紹朋友就介紹牛油帶子，我自己唔算好鍾意食牛油，但係都覺得好食，兩個味係夾既；另外芝士蠔就一定唔會令人失望啦，都唔算貴。最別出心裁嘅就係煙肉串荔枝，唔記得個餐牌叫咩名，但真係好新鮮嘅配搭，第一次食！另外我覺得有驚喜嘅就係蟹既小食，因為都有好多件，而且啖啖肉，我覺得好值得叫。叫咗一個茄子同埋蘑菇，我自己覺得，尤其是冇咩味啲蘑菇就比較鹹啲為左飽肚，叫咗三個手卷一個係三文魚一個係帶子，唔算貴，都係十幾蚊，但係好多舊三文魚喺裏面！！不過個肥牛拉麵就唔算話好好食，可能我自己覺得肥牛同拉麵唔係好夾掛！

呢間日本餐就喺正我屋企留下😂😂😂佢系完全超級合理價錢 🤘🏻🤘🏻🤘🏻性價比超高❤️❤️佢每逢星期日都休息 平時開1730到2230⏰佢坐位唔多 📞唔想等 可能就要早小小去食😉我必點三文魚腩刺身同凍稻庭烏冬🍶🍣🍙仲有串燒牛舌 🍢🍢雞軟骨 🍘軟殼蟹卷 🦀花之戀🌸雞皮凍豆腐😋😋😋😋同埋北寄貝沙律軍艦 二個人飽到棒住個肚😂

28-是我多年來一直光顧的餐廳。店舖細細，坐位迷你。但服務，上菜時間，菜式，價錢好到位。 自己攞紙落order，通常我會叫1-2 個刺身， 四至五份壽司，加一兩個小食。 最推薦嘅係佢哋嘅刺身，大大片價錢唔貴，壽司都一樣，好抵食。 通常食完第一轉，我會叫多一轉。小食個人覺得唔算太特別............最重要係就算好忙佢都唔會趕你走，仲會幫你加茶。 如果我冇記錯佢好似係冇加一嘅........... 通常兩個人食，每次差唔多$250 ，每次出餐廳都係非常滿足

28居酒屋由大舖搬到細舖，等候時間明顯長左，一般晚飯時間都要等20-30分鐘，門口堆左好多等食嘅人，所以建議早少少去食，大約六點鬆啲左右就去，唔洗等咁耐。就算等完被安排入座，都要等食物黎，店舖內明顯人手不足，店員做到踢晒腳，又有出現漏單嘅情況，所以服務方面評價會較差（唔係店員的錯，只係店員人手不足以應付客量）另外由於店面較細，坐位之間好窄，要坐入面嘅位都要攝手攝腳行入去，拎住個大啲啲嘅袋都要捧住或者冇左你背後半個位。食物方面，日本野黎講十分抵食，個人推介燒茄子、冬菇、牛舌，牛舌好juicy有咬口而唔推介嘅有金菇牛肉串同和牛粒串，金菇牛肉串嘅牛燒得好乾好難，而和牛粒完全冇牛味，唔值得試。撇除服務同環境，食物質素算好唔錯，性價比高，所以整體都係中上水平。

隱世小店，坐落於堅尼地城，店舖不大，晚餐時間需要等位，坐位雖然不寬闊但尚算可以已經食左不下10次，帶子刺身很新鮮，而且份量好多，大小適中，火炙壽司有驚喜，推介火炙芝士三文魚壽司，普通壽司推介，赤海蝦，很新鮮，很大隻，蟹膏壽司，男友食完都話以此店面來說不輸大舖，黃金魷魚都不錯，魷魚爽口花之戀，是傳統三塊三文魚包住壽司飯加沙律醬同蟹子，絕不馬虎，用料份量大小適中，外面已經好多小店會減份量，有時只有2片三文魚，有的會沒有沙律醬，有的蟹子數量“稀少”，呢間收費合理之餘，質量已算不差牛舌，燒飯團，炸蝦，雞肉串，質量很好可以一試個人建議蕎麥麵比烏冬好食，烏冬面質較硬身，可能比較不討好大家胃口最後，此小店已評價十分高，不論食品質素，新鮮度及價錢都非常會理，比外面一些小店已高質100倍，但請不要與某些出名大店比較，因這此終是價簾物美的”小店”

當天我地小倆口夜晚八點到達 店舖非常易找 堅尼地城A出口一出 直走就會搵到 店舖座位不算多 但好在兩個人比較容易找位置 等左五分鐘就可以入座啦！試左幾款壽司都覺得不錯🍣-1: 帶子壽司 （大大粒，鮮甜又厚肉，帶子迷嘅我地俾100分）2:三文魚壽司（$15兩件）（太抵食嘅關係所以瘋狂叫左一大碟🤤雖然便宜但絕對高質 厚肉同大件）3:劍魚腩壽司 （$22 兩件）（新鮮好味 呢個價位算好好）4:甜蝦壽司 （唯一不推薦 當天的甜蝦略帶腥味 對比先前的魚生不太新鮮）整體而言，算是香港中等價位嘅壽司舖入面最高質嘅一間👍🏻絕對推薦！

28居酒屋係夏天時候係我其中一間必食飯堂， 原因好簡單，因為夏天天氣炎熱，自然好想食佢嘅凍烏冬或者凍蕎麥麵。食28居酒屋要留意嘅係佢嘅晚飯時段，好多時候要排隊因為自從搬舖後間舖頭細更多，同埋比較迫。今次晚上6點半去食，唔洗排隊。今次叫左凍蕎麥麵同幾款唔同魚嘅壽司。蕎麥麵本身無味，但對比前身舖頭，今期嘅麵質較為淋，口感冇以前咁爽口，但配上蕎麥麵嘅醬汁同配料仍覺得好好味。壽司冇咩特別，屬正常。其實喺西環食到平民化價錢嘅日式食物真係少之極少。有樣野都幾有趣，依間舖頭有快食快閃既感覺，個個食完都算快走人，可能唔好意思要交枱俾下一枱客卦。我都希望佢做得住，因為西環家下大部份都係食西野，貴野，連鎖野，然老字號嘅茶餐廳都敵不過加租而唔做嘅厄運。

汁煮牛舌 絕對是驚喜之作！燒牛舌就吃的多啦，這次來個燜牛舌一上碟，很誇張啊！那麼大碟！牛舌有幾片是厚切的，真夠分量！咬一口！哇！燜得非常稔和入味, 已入味到嚐不到牛肉味了，但也不打緊，只是覺得汁稍微偏甜，但也不能怪廚子，日本的甜汁本是如此。牛舌肉質柔軟，啖啖肉，兩個人吃略嫌多了一點（其實性價比很高），每人至少也有四五塊（哈哈哈，我要留肚試其他呢）！總括來說，，絕對值得一試，而且不是很多地方看到，我也是第一次吃呢！大。滿。足。😁😁😁

搬咗鋪位之後一直未有機會幫襯，見收早嚟到無人排隊，嗱嗱臨坐低試下水準如何，結果係好壞參半囉⋯⋯冬菇串燒 $16/2😋😋😋😋呢個冬菇要讚呀，燒得啱啱好，咬落硬中帶軟，好多水份，好香冬菇味鰻魚串燒 $28😋😋😋鰻魚都算肥美嘅，無骨，如果再燒熱d就仲正鹽燒魚頭 $48☹️☹️☹️魚頭細個咗d，肉唔太多又唔夠熱，魚皮唔脆仲有d硬，似用微波爐叮過咁炸餃子 $30😋😋😋餃子皮厚咗dd，但好味嘅，肉嘅比例適中，可以一試明太子雞翼 $30☹️☹️☹️呢個好一般，鷄翼又細隻，味道唔明太子海膽魚子飯 $98😋😋海膽有海膽味，而且味道濃郁；魚子都ok同唔腥，但飯就唔ok，唔係粒粒分明兼且太爛喇二人共消費：$250

望穿秋水，28居酒屋終於開返啦，星期六8:30pm過黎試，真係少年我太年輕啦，小店出面已經大排長龍，OMG咁岩果日返風，呢條小街都頗食風既情況下，等左一粒鐘多D終於有榙啦 T.T一行四人叫左壽司、刺身、串燒同小食＞壽司：海膽夠新鮮，塊紫菜脆架。芥辣八爪魚好足料，好爽口。其他壽司都好新鮮，不過舊壽司飯都好似機整咁，一夾上黎就散曬。＞刺身：三文魚腩好肥美，帆立貝夠大粒夠新鮮，真係大件夾抵食＞串燒：燒翠肉瓜、茄子、雞軟骨同菠蘿都燒得好好食，係冬菇燒得未夠火候，同埋和牛粒有D韌＞小食：燒雞泡魚乾比較乾身，但又唔太夠魚味，如果燒耐多小小時間會較好小店比起以前舊舖少左幾張榙，侍應得返兩個新面孔，只有老闆還在收錢。難得既係出品高水準，拍得上出面幾百蚊一位既日式店，同埋真係抵食夾大件，放題式咁叫，人均消費都係大約二百蚊有找，咁良心小店係邊度搵？不過店面細左係好影響流轉速度，加埋西環既街坊食得比較休閒，如果下次去食一定要訂榙。