B家닭갈비 (已結業)

经同事介绍去哩间由爱回家醒哥开既韩国菜店食！一入门口就见到醒哥，亲力亲为bor真系！餐厅算好大，楼底高，椅子好大，分得好开，有足够空间！而家lunch like fb pave就有罐装野饮送，又唔洗加一，的确几好！叫做韩国部队锅拉面，非常足料，有年糕、冬菇、芝士，两旧煎过既午餐肉、泡菜、一堆鸡肉，汤底唔算浓，但够辣，年糕反而啖口，无一齐煮过就放落去，最出色系午餐肉，好耐无食过咁有诚意既午餐肉，够厚，又够焦，芝士有烧过，可以多放！餐厅地方偏僻，午市都无乜人唔洗等，不过服务同食物其实都几好，可以多多支持！