La Serre

营业中

休息中

同朋友庆祝生日，想揾一间情调好嘅餐厅开心吓，所以就揾到呢间～ 离牛头角地铁站都有一段距离，大概要8 分钟度，系观塘海滨长廊嘅餐厅，附近环境清静、食完饭仲可以行吓海旁咁💕餐包 热辣辣上枱，长条个只几好味；圆形就系普通餐包，无特别。罗马生菜沙律 ($108） 沙律配温泉蛋、银鱼柳、巴马芝士，酱汁适中，但份量偏少。西班牙海鲜饭 $688 Seafood Paella Menu 已经写咗有红虾、带子、蚬、八爪鱼、鱼，不过望到个价钱$688 真系天价!!! 但都算真材实料嘅，海鲜嘅份量都多，饭还好。烧猪手 Pork knuckle $198佢地都系一般嘅烧猪手，但平时切法系一片片/一细旧，但呢间餐厅就切得好大旧，西餐刀根本好难切开嚟食；而且肉质都系麻麻，唔算好食，但份量就够嘅。Fresh Strawberry Soda $58 Passion Fruit Squash $58 好彩无药水味，都食到有鲜果嘅感觉，还好 总结：餐厅环境都几好，但食物相当普通，服务态度仲要改善，都唔会再去第二次。