茶木‧台式休閒餐廳 (創紀之城五期(apm))

营业中

休息中

刚刚去了APM的红十字会捐血后, 约左两位老友去食TEA, 早前见到APM开左间茶木, 茶木其他分店都食过好多次, 我地主要系饮野倾计。所以试下呢间啦!下午茶时间人流唔算多, 等左大约15分钟都入座。茶木每间分店装修好雅致, 呢间都唔例外, 我地坐得近水吧位置。唔算好肚饿, 我地3个人只系各叫了一杯饮品及一个多士。玫瑰花洋甘菊花茶(配蜜糖) $38热带水果茶 $38芒果蜂蜜芦荟 $36芝麻奶酥吐司 $38职员都有提示吐司要半小时, 无问题 ! 反正有时间, 饮品好快到啦!玫瑰花洋甘菊花茶(配蜜糖)洋甘菊味道重过玫瑰花,建议一定要加蜜糖,否则洋甘菊太重味未必人人喜欢。配上蜜糖后, 饮落好清新。唔错 !热带水果茶自已都试左几啖,味道带酸,我会接受到的。享用热带水果茶有个好处,可以有水果食 ^^芒果蜂蜜芦荟自已因为饮花茶所以无饮这杯,问下朋友,朋友话芒果味唔算浓,冰粒太多令到味道好快变淡。芝麻奶酥吐司共有6件, 切成长条形状。芝麻酱好香,配上热辣辣的吐司。咬落松化, 好味道。由于我地坐卡位及隔格几高,所以隔音都几好,而且变得充满私稳度。整体感觉好好 ! 下次可以再黎。