Flames (鴻圖道)

营业中

休息中

一间装修精致嘅西餐厅，里面仲有live music听，餐厅环境食物同气氛都好好。🍝蟹肉巴马臣芝士蕃茄忌廉汁通粉 $158长通粉嘅酱汁非常creamy，入口滑顺。里面嘅蕃茄、忌廉同巴马臣芝士更添风味，每一啖都品尝到香浓嘅芝士味，而蟹肉份量都多。长通粉食落有嚼劲唔会太淋。🍕意式辣肉肠薄饼 $158Pizza 嘅份量非常大，十分饱肚。里面嘅意式辣肉肠嘅香气浓烈，带有少许辣味，增添层次感。Pizza 饼皮烤得恰到好处，外脆内软。🍟黑松露薯条 $58朋友最钟意食薯条，而呢份薯条外脆内软，口感恰到好处，完全唔觉得油腻亦唔会干。松露嘅香气为薯条增添了独特嘅风味，我地两个人分嚟食，份量足够。🍰自家制甜品 $78是日甜品系芝士蛋糕。芝士味浓郁，口感顺滑，旁边仲有少少水果做伴碟。芝士蛋糕嘅甜度适中，食落唔会觉得腻。呢间西餐厅都非常受欢迎，食食下全场满座咁济，再加上现场有自弹自唱嘅流行英文歌听，气氛绝佳。