Shine (已結業)

人人都食西餐,你估人人都想食西餐咩不过今次又要迁就一下阿肥想锯扒嘅欲望,于是乎我又四周围搜索下边度有西餐厅,上网揾揾下见到呢间喺尖沙咀嘅<SHINE>劲多好评㖞,咁近地铁站,一于嚟试下啦~太子集团中心呢楝大厦一啲都唔难揾,只要喺I square出口一出,隔离就已经到喇,搭䢂又唔洗排队,啱哂我呢啲一够钟收工个肚就已经饿到咕咕声嘅人。呢度六楼全层都属于餐厅,䢂门一打开已经见到酒吧位置,柔和嘅灯光带啲浪漫格调,不过客人众多难免有啲倾计嘅声浪,热闹啲都好吖~本身以为喺呢个黄金地段,啲嘢食都唔方平啦...睇一睇餐牌之后,都唔系㖞!~全部食物嘅价钱都只系中位价格,甚为亲民啵,大家想食边样就叫边样啦。龙虾汤($88蚊)：阿肥想饮汤,见佢唔贵谂都唔谂就叫咗喇~餐厅用嘅碟盘都属于大size类,所以周边都会洒啲装饰咁增强视觉享受,伴汤嘅仲有一件脆多士,偷偷饮咗佢两啖,龙虾汤味浓郁,也不过咸,满意。烧安格斯肉眼扒10oz($318蚊)：阿肥见到有安格斯扒食...又点会错过吖~块扒嚟到嘅时候真系觉得好有艺术嘅气息,啲酱汁画到好似一幅太极画咁,一边红色一边白色,原来红色嘅系车厘茄口味而白色嘅系带