影片
更多
2024-03-23
218 浏览
餐厅位于灯笼街 V point 嘅 27 楼，有幸安排到窗边座位俯瞰住铜锣湾嘅繁华市景，净系食个景都已经赢咗一半。竹蔗茅根，青甜润喉，系打边炉𠮶阵啤酒以外嘅最佳选择。醉火入锅，呢个醉火入锅包括咗五种汤底，中间嘅系醉虾木瓜锅，饮醉哂嘅鲜虾送到上嚟嘅时候依然生虾咁跳，侍应喺我哋面前点火将醉虾整晕之后就开始落汤底打边炉，经燃烧后汤底嘅木瓜味道远比起酒味浓厚，酒味反而入哂落啲醉虾度，出色。四川麻辣锅，麻辣锅带有香浓嘅辣椒同埋花椒嘅香气，汤底里头嘅豆卜、猪皮、大豆牙同埋云耳索进麻辣嘅香味，又系净系食汤底都够做嘅一道。清汤萝卜牛腩锅，内里有炆得腍身嘅萝卜同埋牛腩，为数不少。马来肉骨茶锅，锅底里面揾藏猪手，有够诚意。蕃茄波士顿龙虾锅，龙虾有大大半只，最正系佢个蕃茄汤，攞嚟渌面无敌。各款锅底都真才实料，净系食啲锅底都已经饱咗五成。顶级安格斯牛小排，卖相不俗，底下冰块有助牛肉保持新鲜，安格斯牛油花丰富而均匀，牛肉味道无容置疑。三色鲜制生面，鲜制生面面质异常爽弹，配衬埋个蕃茄汤底更加系如虎添翼，系我少有打边炉嚟讲食面仲多过食肉嘅一次。手打芝士虾丸，虾丸新鲜弹牙，带有微微嘅芝士味，同个虾味相辅相成。
餐厅位于灯笼街 V point 嘅 27 楼，有幸安排到窗边座位俯瞰住铜锣湾嘅繁华市景，净系食个景都已经赢咗一半。
竹蔗茅根，青甜润喉，系打边炉𠮶阵啤酒以外嘅最佳选择。
醉火入锅，呢个醉火入锅包括咗五种汤底，中间嘅系醉虾木瓜锅，饮醉哂嘅鲜虾送到上嚟嘅时候依然生虾咁跳，侍应喺我哋面前点火将醉虾整晕之后就开始落汤底打边炉，经燃烧后汤底嘅木瓜味道远比起酒味浓厚，酒味反而入哂落啲醉虾度，出色。
四川麻辣锅，麻辣锅带有香浓嘅辣椒同埋花椒嘅香气，汤底里头嘅豆卜、猪皮、大豆牙同埋云耳索进麻辣嘅香味，又系净系食汤底都够做嘅一道。
清汤萝卜牛腩锅，内里有炆得腍身嘅萝卜同埋牛腩，为数不少。
马来肉骨茶锅，锅底里面揾藏猪手，有够诚意。
蕃茄波士顿龙虾锅，龙虾有大大半只，最正系佢个蕃茄汤，攞嚟渌面无敌。
各款锅底都真才实料，净系食啲锅底都已经饱咗五成。
顶级安格斯牛小排，卖相不俗，底下冰块有助牛肉保持新鲜，安格斯牛油花丰富而均匀，牛肉味道无容置疑。
三色鲜制生面，鲜制生面面质异常爽弹，配衬埋个蕃茄汤底更加系如虎添翼，系我少有打边炉嚟讲食面仲多过食肉嘅一次。
手打芝士虾丸，虾丸新鲜弹牙，带有微微嘅芝士味，同个虾味相辅相成。
张贴
