金記冰室 (康怡廣場北座)

营业中

休息中

又到一年一度普天同庆嘅圣诞节，每个小朋友都最钟意呢个节日，因为可以放长假。呢一日大哥大嫂𠮶两公婆突然交咗个重要嘅任务比我，佢哋两个想过澳门过返一日二人世界，所以要我做返一日奶爸帮佢凑女，好在我个侄女都几精灵乖巧又聼话，所以我都好乐意接受呢个任务。我带咗佢去太古城溜冰场玩，又带佢去康怡广场嘅游乐场尽情玩，买玩具。玩左全日攰喇系时候去食晚饭喇。我哋落咗去广场地下揾左间〈金记冰室〉。呢间餐厅装修得好有怀旧气氛，地方都几宽敞坐得几舒服，佢哋嘅餐牌设计都做得好特别好似一本日历。我点咗个铁板西冷牛扒意粉同埋一杯红豆冰，𠮶块牛扒都好大块，食落都好嫩滑。我侄女就点咗个专设计比小朋友食嘅儿童餐：薯角、鸡翼、肉酱意粉、粟米、橙汁，全部都系香港小朋友最钟意食嘅嘢嚟㖞。而且价钱都唔系太贵啫。佢见到我饮红豆冰佢话都想要饮所以我都加多杯。阿侄女话今日玩得好开心，佢话会叫佢爸爸妈妈多啲去旅行，然后过嚟跟住我，听完之后我差啲反白眼晕低，哈哈哈。