喜鍋 海鮮.點心.活刺身 蒸氣石鍋專門店 (已結業)

最后都系以海鲜为主xdddd第一碟嚟既系三文鱼刺身，每位2件。呢个真系算劲，块三文鱼又大又厚，一咬落去真系啖啖肉。不过虽然佢系大旧，但依然都好有鲜味，而且入口即融！真系好好食，每位2件都真系唔多够喉，想食多几件！xd之后，我地仲食左一个竹串虾同墨鱼饼，呢两个都正正常常，无咩特别。哗，跟住就到我最期待既一款食材啦～就系蚝呀！听经理讲，我地点呢只叫「姜葱蒸美国石蚝」。一拎过黎已经觉得好大只，再对比下只手掌，痴线真系成只手掌咁大！屈机！你以为得个壳大？错啦，入面只蚝都咁大份。大到一啖都食唔晒，要切黎食，真系笑死xd 食落口好软，都算入口即融，而且d姜葱味又唔会盖过d鲜味。但系佢鲜得黎又唔腥，系略嫌淡左少少。不过，我都俾十分啦～～净系食呢个蚝都抵啦～我真系好中意～总括黎讲，我觉得今餐系唔错，而且石锅真系几特别，蒸气好过瘾，哈哈！有兴趣既朋友可以一试，同埋佢环境都几好、几舒服，不过唔好去错隔离个间。