影片
更多
2014-07-30
3337 浏览
放假同屋企人叹餐lunch, 试下新野。见到晋荟甘多人like, 一于去试一试。餐厅位于酒店入面，即刻高级左。入到里面，原来得好少枱，环境都算ok. 服务态度都唔错，虽然佢地对自己嘅餐牌好似唔够熟悉。谂左一轮，叫左个$118 per person午餐(平日先有)。先黎前菜(醉鸡+陈醋蜇头+烤麸)。 (即刻有伏味，size超细，但既然事到如今，只好继续食) 当中醉鸡同陈醋蜇头较出色。醉鸡有好香嘅酒味，鸡肉亦算嫩口。陈醋蜇头的确几特别，令无味嘅蜇头变得酸酸甜甜，十分开胃。但份量实在太少！正担心其它食物嘅份量偏细时，担担面到。评论佢嘅味道之前，同大家玩个魔术- magic moment, 咩都有可能...依幅系餐牌上嘅担担面。系咪好吸引先？有图有真相，但真相总是令人难以接受。 细碗唔再多讲，上面丰富嘅料去唒边？！河马妈妈话佢应该违反左商品说明条例！点解可以差甘远...shocked...好，人地话人不可以貌相，试试味先。哇，味道就系阳春面加辣粉加水，非常失望。到食点心啦，共三款点心，每款每人有两件。 小笼包算皮薄，几多汁，算合格。蒸素饺普普通通啦。个春卷最为特别，赛螃蟹馅令平平无奇嘅春卷带来
放假同屋企人叹餐lunch, 试下新野。
见到晋荟甘多人like, 一于去试一试。餐厅位于酒店入面，即刻高级左。入到里面，原来得好少枱，环境都算ok. 服务态度都唔错，虽然佢地对自己嘅餐牌好似唔够熟悉。
谂左一轮，叫左个$118 per person午餐(平日先有)。
先黎前菜(醉鸡+陈醋蜇头+烤麸)。 (即刻有伏味，size超细，但既然事到如今，只好继续食) 当中醉鸡同陈醋蜇头较出色。醉鸡有好香嘅酒味，鸡肉亦算嫩口。陈醋蜇头的确几特别，令无味嘅蜇头变得酸酸甜甜，十分开胃。但份量实在太少！
正担心其它食物嘅份量偏细时，担担面到。评论佢嘅味道之前，同大家玩个魔术- magic moment, 咩都有可能...
依幅系餐牌上嘅担担面。系咪好吸引先？
有图有真相，但真相总是令人难以接受。 细碗唔再多讲，上面丰富嘅料去唒边？！河马妈妈话佢应该违反左商品说明条例！点解可以差甘远...shocked...好，人地话人不可以貌相，试试味先。哇，味道就系阳春面加辣粉加水，非常失望。
到食点心啦，共三款点心，每款每人有两件。 小笼包算皮薄，几多汁，算合格。蒸素饺普普通通啦。个春卷最为特别，赛螃蟹馅令平平无奇嘅春卷带来惊喜，加上醋，香脆嘅皮，确实值得一赞！不过食到第四件嘅时候有啲滞。
最后到甜品 - 蕃薯糖水。味道刚好, 唔会太辣。
埋单共$455， 平均每人$150，茶钱酸菜都占左$60 (分分足够食两餐lunch)，唔多饱，仲要无得系popcorn免费泊车。
走嘅时候仲要发现张餐巾劲唔干净。
价钱同质素完全唔成正比。好过佢多多声嘅上海餐厅大把，南小馆，家传沪晓绝对好食同抵食过佢！我一向唔钟意俾喊脸，但今次要我俾个笑脸，咪玩啦。
张贴
