甘甘好蔗 (已搬遷) 新店位置

食完饭之后觉得好口渴，行过呢间蔗汁店觉得佢好特别，而且竹蔗汁相比其他肥仔水又健康，位置就正正系肥姐小食店隔离，所以就喺度买咗嘢饮试吓。每一杯饮品都会有抽奖，我哋咁啱抽中咗有得下次减$5 ！蔗杯葡萄🍇 +原味晶球葡萄配上蔗汁都系第一次饮，估唔到味道咁夹！而且葡萄系大皮，成个感觉好清新。原味晶球口感好得意，好似食紧粒好烟韧嘅提子咁。蔗杯薄荷☘️+马蹄雪晶露见到佢哋即刻攞条蔗去柞汁，系真材实料，再加埋薄荷，感觉好清新。啱啱先食完啲好肥腻嘅烧烤嘢饮，特别觉得消滞。