影片
更多
2022-10-08
550 浏览
探完朋友原来已经下午茶时间，行返港铁站时见到呢间糖妹佢地好似喺度拍过节目，横竖我又钟意食醉鸡，咁就不如喺度食吓嘢。叫左碗🐓招牌药膳醉鸡米线($55)加多杯🍋冻柠水(+$10)。米线上枱，好开心见到有好多木耳，大大块，入口几爽脆，点埋辣椒豉油食，微微香辣好好食。不过对于钟意食辣嘅人嚟讲一定会觉得呢碟辣椒豉油无料到😅，因为以我唔食得辣嘅人嚟讲，都觉得佢唔辣，但系餐厅有火锅食，我估应该可以问侍应加辣椒。主角药膳醉鸡米线，汤底药味同酒味闻落几香，但入口又唔会太浓，啱晒我怕太重药味嘅人。除左药味唔会太浓，仲有小小甘甜嘅味道，其实都几好饮。鸡件有5大件，入口感觉有酒香。鸡肉都滑嘅，最正系皮下脂肪唔多，可以连鸡皮一齐食，咁就更滑、更好味。整体感觉呢碗米线几啱我口味，尤其系味带甘甜嘅汤底特别加分。其次，可能因为系下午茶时间，食客唔多，坐得好舒服，又见到店面姐姐待客十分亲切，会主动教客人用QR Code点单，又会关心小朋友食唔到药味嘅汤面，抵赞。👍
叫左碗🐓招牌药膳醉鸡米线($55)加多杯🍋冻柠水(+$10)。
米线上枱，好开心见到有好多木耳，大大块，入口几爽脆，点埋辣椒豉油食，微微香辣好好食。不过对于钟意食辣嘅人嚟讲一定会觉得呢碟辣椒豉油无料到😅，因为以我唔食得辣嘅人嚟讲，都觉得佢唔辣，但系餐厅有火锅食，我估应该可以问侍应加辣椒。
主角药膳醉鸡米线，汤底药味同酒味闻落几香，但入口又唔会太浓，啱晒我怕太重药味嘅人。除左药味唔会太浓，仲有小小甘甜嘅味道，其实都几好饮。
鸡件有5大件，入口感觉有酒香。鸡肉都滑嘅，最正系皮下脂肪唔多，可以连鸡皮一齐食，咁就更滑、更好味。
整体感觉呢碗米线几啱我口味，尤其系味带甘甜嘅汤底特别加分。其次，可能因为系下午茶时间，食客唔多，坐得好舒服，又见到店面姐姐待客十分亲切，会主动教客人用QR Code点单，又会关心小朋友食唔到药味嘅汤面，抵赞。👍
张贴
